Biblia Todo Logo
Bib sou entènèt

- Piblisite -




Kem Udél Hlalak Tehe Selumun 13:5 - Udél Dwata: Gna Kesfasad ne Lomi Kesfasad

5 Tey kenbéen yóm tulón kéng yóm tau tedeng kmoen, okóm yóm tau gel mò sidek yóm kun udél hol tahu gónó myak.

Gade chapit la Kopi




Kem Udél Hlalak Tehe Selumun 13:5
16 Referans Kwoze  

Bê tekuy abay gel mò kéng, yakà deng kó tekuy tum tehe gna klowil mahil mò sidek.


Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.


Yó kem tau hulung hedem guta le kdóyón tau kul, okóm yó kem tau book mulék le myak.


Tey sidek kutó nawahu du yóm tau mò kéng, okóm tey kbong nawahu du yó kem hlauhem.


Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.


Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”


Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.


Tanayen, hol tnóbóngem o anì là gemmoe kéng ne gewuhen, béem hdengen o ne béem hélél se o, olom bemlay do yóm mò gel sfeng kenu.


Tanayen kehegmón. Glewuhen tmulón kéng ne getluhen yóm monok là duón.


Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.


Wen se kdaw sbong nawa ne wen se kdaw sutó nawa. Wen se kdaw sgida ne wen se kdaw menek.


Mon Samsun se, “Ke nfét le o tébéd hanà lomi, yóm là deng wen mfét du tódô monol yóm kgisu, lómón kgis yó kem dumu tau.”


Sok wen yóm nmò sidek bud bè yó se gónón wen sedekà sok laen bud sadat mung du se yóm kesefyak.


Swiv nou:

Piblisite


Piblisite