Kem Udél Hlalak Tehe Selumun 13:4 - Udél Dwata: Gna Kesfasad ne Lomi Kesfasad

⁴ Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.

Kem Udél Hlalak Tehe Selumun 13:4 Referans Kwoze

Kem Udél Hlalak Tehe Selumun 12:24

Du baling gónó galak yóm tau mefesek, okóm yóm tau lemfu olohen hgel mò yóm hmò kem dumu tau du.

Kem Udél Hlalak Tehe Selumun 12:11

Sal gel wen kenen yóm tau gel mò nmò bè tonok, okóm yóm tau gel nmungen yó kem atul laen dù muhen là hulungen hedem.

Kem Udél Hlalak Tehe Selumun 10:4

Gel baling élél yóm tau mduk, okóm yóm tau mefesek baling wen kendengenen.

Kem Udél Hlalak Tehe Selumun 11:25

Hyu klowilen yóm tau bkas nawahen ne yóm tau ten-gelen kem dumun bud wen se temgel du.

Kem Udél Hlalak Tehe Selumun 28:25

Yóm keseglom tau gónón lemwót kesbólów, okóm yóm tau smalig bè Dwata hyu klowilen.

Hibru 6:11

Yó hol hesgalu me kuy, yóm ket kuy na sotu, ke hol henlel ye mò du yóm hyu efet kukol towok ye, anì angat ton ye yóm hendón nefet nawa ye.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Kem Udél Hlalak Tehe Selumun 8:34

Wen kligalen yóm tau gel hmungol do ne ket kdawen se tendo mingat do bè bak sut ne eles nangaten ou bè bak dólu.

Isaya 58:11

Ne tendo gel sen-galaku yu ne hegsengelu nawa ye bè yó kem hyu blayu kuy. Tendo gel hekgisu lówó ye ne hlayuku bélê ye yó kem des. Lómón ke yu yóm gónó mò hulu eles tendo héfê tonoken ne lómón ke yu yóm tbul él là ktihen.

Kem Udél Hlalak Tehe Selumun 26:13

Mon yóm tau lemfu, “Wen liyun bè lan ne senged se bè yó kem dumu lan.” Mò dawahen là mò nmò.

Kem Lingón 92:14

Balù yóm deng ktuha le, sana kbungu le. Là kóen monol kgis le bè yóm kmò le nmò.

Lista 23:10

Yóm kul sfu yó kem tau Israél, hol lómón kwen le kfung. Tey kwen le, botong là gbekem msó kul. Ke hgesónem yóm dou klowil, Dwata, yake heskélem bè kgesón klowil yó kem kóm tau. Uu he hol bemlay do kenek nawa bè yóm katayu lómón yóm katay yó kem tau tedeng nmò le.”

Kem Udél Hlalak Tehe Selumun 6:6

Ó tau lemfu, yake hol dnalangem kul kmò yó kem gulom ne holi hfulung hedem.

Kem Udél Hlalak Tehe Selumun 12:27

Là kô gutahen du yóm nóyóen yóm tau lemfu, okóm yóm tau mefesek gutahen yóm kimu mebtes.

Kem Udél Hlalak Tehe Selumun 13:3

Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.

Kem Udél Hlalak Tehe Selumun 13:5

Tey kenbéen yóm tulón kéng yóm tau tedeng kmoen, okóm yóm tau gel mò sidek yóm kun udél hol tahu gónó myak.

Kem Udél Hlalak Tehe Selumun 20:4

Yóm tau lemfu là kô tenblaen du yóm bantang kdaw kehyu dmadu. Yó gónóm mon bè yóm kdaw kuta tódô tô mebel okóm laen dù tonen.

Kem Udél Hlalak Tehe Selumun 21:5

Yóm tau mefesek ke tilob katulen du yóm nmoen yó se mit du gónón wen klowilen, okóm yóm tau henkosohen yóm kendengenen baling élél.

Kem Udél Hlalak Tehe Selumun 21:25

Yóm sen-galu nawa yóm tau lemfu yó se yóm hmatay du yakem móyô mò nmò se.

Tekang Kbuten 26:32

Bè yóm kdaw yó, sut se yó kem tóbóng lówó Isak ne tulón le ke Isak yóm kokol lomi nokol le, mon le, “Deng wen él ton me.”

Juswa 7:3

gotu tulón le ke Juswa yóm kdê ton le, mon le, “Là katen bong tum syudad tu. Anien he ke là kdéen du tau mundug edu. Anien ke olon lewu libu duhen ke tlu libu tau mundug etu, kaem gbek le.”

Kem Udél Hlalak Tehe Selumun 24:30

Deng lanu lem numa yóm tau lemfu ne gu lem hulu yóm tau laen dù ledemen ni,

Kem Udél Hlalak Tehe Selumun 24:31

ne tonu tódô tfeng sual ne kluon ne gotu hugón yóm labat botu hilolen.