Kem Udél Hlalak Tehe Selumun 13:3 - Udél Dwata: Gna Kesfasad ne Lomi Kesfasad

³ Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.

Kem Udél Hlalak Tehe Selumun 13:3 Referans Kwoze

Kem Udél Hlalak Tehe Selumun 21:23

Yóm tau eles gel nabungen kudélen yó se hlayuk du bè yó kem gfà.

Kem Udél Hlalak Tehe Selumun 18:21

Wen se udél tau gónó mowil ne wen se udél gónó matay ne bud gutahen se bungu yóm udélen.

Kem Udél Hlalak Tehe Selumun 18:7

Yó gónón meglà yóm tau book lemwót bè kudélen ne bud bè kudélen gónón gholot.

Kem Lingón 39:1

Yó mon nawaw, “Ten-gamahu yó kem gel nmou ne ksubaku anì là gemsalae. Yóm igò le nô klohoku yó kem hohonu, là kóe mudél.”

Kem Udél Hlalak Tehe Selumun 10:19

Là gbeken du ke laen salà du yóm alì kwenen yóm udél, okóm yóm tau hulung hedem là katen mudél.

Kem Udél Hlalak Tehe Selumun 20:19

Yóm tau lemnek ksumóngen gel tulónen yóm lifut tulón du, yó gónóm mon béi segbót bè yóm tau tódô faen kudélen.

Sulat Jim 1:26

Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

Kem Udél Hlalak Tehe Selumun 12:13

Gholot lemwót bè kun ksidek kudél yóm tau gel mò sidek, okóm yóm tau tedeng kmoen gewà gu lem hlayam.

Kem Lingón 34:13

Ke yó se sen-galu nawa ye, hol béen sidek kebkó ye, ne bê ye abay tmulón kéng.

Kem Lingón 141:3

Hol bnenteyem kmò kudélu, Dwata, ne nafasem do ksumóngu.

Kem Udél Hlalak Tehe Selumun 10:14

Yóm tau hulung hedem nan tógón yóm kwen muhen bemsut du yóm ketngónen, okóm yóm tau book tódô faen mudél ne là dog hendemen du yóm gfaen du.

Kem Udél Hlalak Tehe Selumun 13:4

Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.

Kmukum 16:11

Mon Samsun se, “Ke nfét le o tébéd hanà lomi, yóm là deng wen mfét du tódô monol yóm kgisu, lómón kgis yó kem dumu tau.”

Kmukum 16:17

Efet tódô tulónen du yóm ktahuhen, monen, “Lemwót bè yóm tehe ksutu efet nim kmoen ni là kô deng wen kemleng du he nim weku, abay se deng hetfing le o ebè Dwata mò tau Nasarit. Ke kenleng le nim weku ni tódô monol yóm kgisu, lómón kgis yó kem dumu tau.”

Kem Udél Hlalak Tehe Selumun 10:8

Kenmónen yó kem hlolò yóm tau hulung hedem, okóm yóm tau mò kestulón nungel heglaen knóen.

Kem Udél Hlalak Tehe Selumun 14:3

Yóm tau book bè kun kudél hegmón gónón lemwót boug, okóm kun yóm tau hulung hedem, bè kun kudél fen mit du hyu.