Kem Udél Hlalak Tehe Selumun 13:2 - Udél Dwata: Gna Kesfasad ne Lomi Kesfasad

² Sal gel guta tau yóm kehyu ofol lemwót bè kehyu yóm kun udél, okóm yóm tau là gsalig du són moen semgalu yóm khugusen.

Kem Udél Hlalak Tehe Selumun 13:2 Referans Kwoze

Kem Udél Hlalak Tehe Selumun 12:14

Gsengel nawahen du yóm tau hyu ulék yóm kun gel udél ne sal gel gutahen yóm ulék geblà bè yóm kun gel nmò.

Kem Udél Hlalak Tehe Selumun 18:20

Gel gsengel nawahen du yóm tau lemwót bè ulék kun udél ne bud gsengel se nawahen du bungu yóm kun kudél.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.

Kem Udél Hlalak Tehe Selumun 1:31

Yó gónóm mon, guta ye bunguhen yóm ungel ye ne glayam ye du.

Kem Lingón 140:11

Hol béem abay hdengen lu yó kem tau mò kéng bè nim benwu me. Hol wen he hlayam hgefetem bélê le yó kem tau alì lóbô.

Kem Udél Hlalak Tehe Selumun 4:17

Yó kem sidek nmò le lómón ke henged ken le ne él ninum le.

Deng Hegfan 16:6

yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.”

Hbakuk 2:17

Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.

Hbakuk 2:8

Deng tey dê benwu nuku ye kimuhen. Okóm ni, yó kem tau dù mowil bè yó kem benwu yó, gotu bud nuku le yu se kuy lemwót bè yóm deng kbonok ye ne lemwót bè yóm deng keglà ye yó kem tau bè ket benwu ne deng gotu genbà ye yó kem syudad le snéen.

Kem Lingón 75:8

Yakà wen tegayan nogot Dwata, tódô hnok yóm ninum alì lóbô deng kmodok nô lemen, hningónen yóm alì kebuten. Gotu twélen nim ninum ni ebè yóm kdéen tau mò sidek, hinumen kul efet gotu le.

Kem Udél Hlalak Tehe Selumun 1:18

Okóm kul ni du kem tau mò sidek ni mom ten-geed le hmatay kul knô.

Kem Udél Hlalak Tehe Selumun 18:21

Wen se udél tau gónó mowil ne wen se udél gónó matay ne bud gutahen se bungu yóm udélen.

Kem Udél Hlalak Tehe Selumun 11:23

Yóm kun hendeen yóm tau tedeng kmoen, hyu gónón e kól, okóm yóm tau gel mò sidek yóm kun hendón, mom tafak gónón e kól.