Kem Udél Hlalak Tehe Selumun 13:16 - Udél Dwata: Gna Kesfasad ne Lomi Kesfasad

¹⁶ Sal na le eles hendem kdê nmò le yó kem tau hulung milô, okóm yó kem tau book mom hegfan le yóm kbook le.

Kem Udél Hlalak Tehe Selumun 13:16 Referans Kwoze

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

Ifisus 5:17

Bê ye hungel dé. Hol hnebel ye yóm kóyóen bélê ye yóm gónó ye mogot.

Isaya 52:13

Yó udél Dwata, monen, “Yóm tau tóbóng lówóhu, angat gdengen yóm hmou du ne tey kehegetahu du.

Sulat Pol Ebè Yó Kem Tau Hemtahu Bè Rom 16:19

Deng tey glalag ebè kem dumu ye hemtahu ne yóm là kili nawa ye du yóm Tulón Hyu. Tey bong kehyu nawahu du se do yóm nmò ye yó. Kóyóu bélê ye ke hol ye hfulung hedem anì glolò ye yóm hyu, ne là glolò ye du yóm sidek.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Kem Udél Hlalak Tehe Selumun 21:24

Sedekà boluy du yóm tau heklabak ne hton salù ne yóm alì sidek keheklabaken bè ket nmoen.

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

1 Samwél 25:25

Hol béem abay snolò do yóm tey sidek nmò Nabal. Wen ungelen, yó se lan yóm boluyen. Okóm yóm kógów le ebélê me yó kem tau dókem, là kô tonu kul.

1 Samwél 25:17

Ni holi géhél hedem mebel kmò atulem du, yakà wen gbunù yehenem du gomong yó kem fes lówóhen. Tu sónmoen tendo huseng, laen kô mlos mudél ebéléen.”

Kem Udél Hlalak Tehe Selumun 18:2

Yóm tau book laen dù kligalen du kun yóm khulung temnef, okóm són hnigal tulónen yóm kun kehedem.

Kem Udél Hlalak Tehe Selumun 14:33

Yóm khulung hedem tódô henek lem but blutut yóm tau hulung temnef, okóm yóm tau book là kô tngónen du kun.