Kem Udél Hlalak Tehe Selumun 13:12 - Udél Dwata: Gna Kesfasad ne Lomi Kesfasad

¹² Lebà nawahen yóm tau ke golun yóm sen-galu nawahen, okóm sok dohò yóm hendeenen tey hyu nawahen.

Kem Udél Hlalak Tehe Selumun 13:12 Referans Kwoze

Kun Snulat Jan 16:22

Senged se kuy, tolo ye langag ni kmoen ni. Okóm sok tekuy bud ston, bud wen tey kligal ye. Ne laen kô dù tau gembek mkó du bélê ye yóm kligal ye yó.

Kem Udél Hlalak Tehe Selumun 13:19

Tey hligal yóm tau bè kdohò kgutahen du yóm hendeenen, okóm yóm tau book tey kehegféten bè yóm nmò sidek.

Kem Udél Hlalak Tehe Selumun 3:18

Yó gónón tahà ktauhen yóm tau lanen mmu yóm khulung hedem ne tey hyu nawan yóm tau mgen du.

Kem Lingón 17:15

Lemwót bè kmou du yóm tedeng, yó gónów angat mton kóm. Soke bud mowil gsengel nawaw, abay se deng te tódô suyó.

Kem Udél Hlalak Tehe Selumun 11:30

Lemowil béléen kem dumu tau yóm tau tedeng kmoen ne yóm tau hulung hedem niten ebè Dwata kem dumun.

Kem Lingón 69:3

Tey kegenu tmaba ebéléem, Dwata, anì tnóbóngem ou. Ngangu tmaba efet des lem liholu. Sónmou mangat temngel du ke wen tóbóngem dou efet là buden gmefet ketngelu.

Kem Lingón 143:7

Géhél bnalaem ou, Dwata, abay se laen dù bud lanu ne. Béem knogol o, kô mataye.

Tekang Kbuten 46:30

Omin Jakub mon du mò ke Jusif, “Bang katayu ne ni, deng tonu se uu tolo mowil.”

Deng Hegfan 22:2

hlós mlel ebè gónón sóól yóm lan bè yóm syudad yó. Tódô sbalà tmowok bè kililen se yóm koyu boluyen koyu hlowil tau. Sfolò lewu duléken mungu bè yóm sfalay yóm koyu yó, tódô keten bulón. Ne yó kem dounen mò bulung bè yó kem tau bè klamangen benwu.

Deng Hegfan 2:7

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, angat hkenu kul bungu yóm koyu hlowil tau tmowok bè benwu Dwata.”

Kem Udél Hlalak Tehe Selumun 13:11

Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.

Kem Udél Hlalak Tehe Selumun 13:13

Hensidek le knô le yó kem tau gel semdekà yó kem hlau, okóm yó kem tau lolò le yó kem hlau wen ofol le.

Nihimaya 2:2

yó gónón smólók dou, “Moen de ke lembang nawahem igoen laen dù desem? Lómón tô wen kenblat nawahem.” Yó mò do denge mom likò,bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”