Kem Udél Hlalak Tehe Selumun 13:11 - Udél Dwata: Gna Kesfasad ne Lomi Kesfasad

¹¹ Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.

Kem Udél Hlalak Tehe Selumun 13:11 Referans Kwoze

Kem Udél Hlalak Tehe Selumun 20:21

Yóm umun lenolok nwa laen dù kligalem du bè hulihen.

Kem Udél Hlalak Tehe Selumun 10:2

Yóm kendengen là mlanen bè ktedengen laen kô uléken, okóm yóm ktedeng kmoem htahaen ktauhem.

Kem Udél Hlalak Tehe Selumun 28:8

Yóm tau hgengónen kendengenen lemwót bè kkaf keswahen ne bè kongoen kem dumu tau, yóm kendengenen yó mom mógów ebè yóm tau gel masa yó kem tau élél.

Kem Udél Hlalak Tehe Selumun 28:22

Yóm tau seglom kóyóen ke géhél wen kendengenen ne là kô tngónen du ksuten béléen yóm kélélen.

Kem Udél Hlalak Tehe Selumun 28:20

Yóm tau laen dù belenen tódô seflós kuyag Dwata du, okóm yóm tau hensloen kwen kendengenen ne ke mlan bè là ktedengen, là kô tódô lugun Dwata du là tnafak.

Jirimaya 17:11

Yóm tau fmilak mlan bè là ktedengen, hol mkél bè yóm onuk koyu nlonen yóm là kun ngà lenbotù du, là legenen béléen yó kem ngaen yó. Bud là legenen bè yóm tau yóm kendengenen mlan bè yóm là ktedengen, tódô kendel lana. Ne ke deng tuha bud mulék élél, gfan yóm kungelen.

Kem Lingón 128:2

Lemwót bè kmoem nmò, angat wen gónóhem gel ma yó kem wen muhem du. Angat gsengel nawahem du, ne hyu kógów klowilem.

Kem Udél Hlalak Tehe Selumun 13:10

Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Kem Udél Hlalak Tehe Selumun 13:12

Lebà nawahen yóm tau ke golun yóm sen-galu nawahen, okóm sok dohò yóm hendeenen tey hyu nawahen.

Kem Udél Hlalak Tehe Selumun 21:6

Yóm kendengen guta tau mlan bè ktulónen kéng tódô kmanas lómón keklanasen bulók kulón ne ni se gónón gholot e lem hatay.