Kem Udél Hlalak Tehe Selumun 13:10 - Udél Dwata: Gna Kesfasad ne Lomi Kesfasad

¹⁰ Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Kem Udél Hlalak Tehe Selumun 13:10 Referans Kwoze

Kem Udél Hlalak Tehe Selumun 19:20

Hnungolem yóm kehlau le kóm ne henmóyóem yóm kestódô le kóm anì hulungi hedem.

Kem Udél Hlalak Tehe Selumun 17:14

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

1 Timuti 6:4

yó se yóm tau heklabak, laen tngónen. Són skuya mon nô bè nawahen. Senkuya le lan yó kem udél, ne yó gónón wen sélés nawa, ne sfatay, ne sedekà, ne sdelem.

Kun Snulat Luk 22:24

Senkuya yó kem gel lemolò ke Jisas ke mahil du bélê le fen geta bélê le.

Kem Udél Hlalak Tehe Selumun 25:8

Béem kendel hegefet ebè gónô skukum yóm deng tonem, déke muléki myak du ke wen hemkéng du béléem.

Kem Udél Hlalak Tehe Selumun 21:24

Sedekà boluy du yóm tau heklabak ne hton salù ne yóm alì sidek keheklabaken bè ket nmoen.

Kem Udél Hlalak Tehe Selumun 20:18

Baling yóm atul ke wen gónó halak ne na hol henyu semsatul du gna, ominen hyu mit sgida.

1 Bok Kem Tau Hol Geta 12:16

Timbow tngón yó kem tau Israél nô fi bwak yóm kekbê tau hol geta du yóm hni le, gotu le hetê, mon le, “Laen dù kut du yóm Dabid. Laen dù ofol tekuy béléen yóm ngà Jisi yó. Ó kem tau Israél, mulék tekuy ne. Tódô uu ne, Rihubuam, mebel du yóm dê hnihem.” Tahu se, gotu le mulék yó kem tau Israél.

Kem Udél Hlalak Tehe Selumun 13:9

Yóm tau tedeng kmoen lómón ke layag mtataw knóngen, okóm yóm tau gel mò sidek lómón ke solok móyón mlef.

Kem Udél Hlalak Tehe Selumun 13:11

Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.

Kem Udél Hlalak Tehe Selumun 28:25

Yóm keseglom tau gónón lemwót kesbólów, okóm yóm tau smalig bè Dwata hyu klowilen.