Kem Udél Hlalak Tehe Selumun 12:8 - Udél Dwata: Gna Kesfasad ne Lomi Kesfasad

⁸ Gel megdóyón yóm tau bè yóm kun khulung hedem, okóm yóm tau là temnù kehedemen són mò le semdekà du.

Kem Udél Hlalak Tehe Selumun 12:8 Referans Kwoze

2 Kurin 10:18

Mom hyu dé yóm tau ke gónón mogot fen dmóyón du. Béen du fen dmóyón du yóm kun knô.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kul Nmò 12:23

Tódô sen-gengen se wen hógów Dwata gu bè longit, tódô wen des hegnómen ke Hirod, lanen là madat ke Dwata. Tódô gotu ken kuled tnahihen, ne matay.

Kun Snulat Luk 16:8

Tikóng tngón yóm tau fun kendengen yóm kmò kehlanen du yóm atulen yóm tau là gulit yó koni, botong monen, ‘Tey hulung hemlan yóm klowilen elem haya yóm tau là gulit yó.’ ” Bud mon Jisas, “Yó kem tau són ktes le klowil le te tonok, tey le hulung eles temgama du yóm klowil le elem haya. Yake bud lómón se yó yóm kul eles ketgama du yóm klowil laen dù sónen yó kem tau deng nô lem layag.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Kem Udél Hlalak Tehe Selumun 5:23

Matay lemwót bè là kgafasen nawan. Yóm alì kbooken mit du tlas.

Kem Udél Hlalak Tehe Selumun 3:35

Yó kem tau hulung hedem guta le kdóyón tau kul, okóm yó kem tau book mulék le myak.

Kem Udél Hlalak Tehe Selumun 1:26

Yó gónóm mon, kesok wen gbunù ye ou tles kmuli kuy ne sendekau yu ke sok gefet bélê ye yóm alì knikò ye.

Kem Lingón 132:18

Angat sidek kehyaku yó kem hohonen, bede yóm kun, angat tey minggel yóm kegetahen.”

Tekang Kbuten 41:39

Ominen mon du mò ke Jusif yóm Faro, “Deng gotu hetngón Dwata kóm yóm kdéen ni. Yó gónóm mon, laen dù tau ke mkél kóm bè yóm khulungem hedem ne khulungem hemlan.

1 Samwél 25:17

Ni holi géhél hedem mebel kmò atulem du, yakà wen gbunù yehenem du gomong yó kem fes lówóhen. Tu sónmoen tendo huseng, laen kô mlos mudél ebéléen.”

1 Samwél 18:30

Bè yóm gel kuluk yó kem sendalù Flistin, tey wen gendeng Dabid senta yó kem dumu sendalù genlal Sol. Duhen yó, tey tótól bè klamangen yóm kun boluy Dabid.

1 Samwél 16:18

Ominen sotu bè yó kem tóbóng lówóhen mon du, “Ditu bè Bitlihim, wen tau menwu ditu boluyen Jisi ne wen ngaen logi alì hulung huni du yóm gel kenbiten. Là olon du yó he là mahilen likò, hulung mit sfatay lelen hulung mudél. Tey knóón ngà logi ne tendo nô béléen Dwata.”

1 Samwél 13:13

Bnalà Samwél, monen, “Nungeli, là kô dog loloem du yóm deng hloloen kóm yóm sana kóm Dwata hol gónó mogot. Ke deng loloem, laen kô dù nan e són yóm kogotem bè Israél kkólen bè yó kem angat lugodem.

Kem Udél Hlalak Tehe Selumun 12:7

Gotu le meglà ne là kô wen bud sfu le yó kem tau gel mò sidek, okóm yó kem tau tedeng kmò le laen kô sónen yóm kul sfu.

Kem Udél Hlalak Tehe Selumun 12:9

Mom hyu he kun yóm tau glaan mowil bè kmoen nmò, senta yóm tau tô hlingu tau hol geta bede élél ken.

Kem Udél Hlalak Tehe Selumun 29:27

Yóm tau tedeng kmoen kenliten yóm tau gel mò sidek senged se yóm tau gel mò sidek bud kenliten yóm tau tedeng kmoen.

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.