Kem Udél Hlalak Tehe Selumun 12:7 - Udél Dwata: Gna Kesfasad ne Lomi Kesfasad

⁷ Gotu le meglà ne là kô wen bud sfu le yó kem tau gel mò sidek, okóm yó kem tau tedeng kmò le laen kô sónen yóm kul sfu.

Kem Udél Hlalak Tehe Selumun 12:7 Referans Kwoze

Kem Udél Hlalak Tehe Selumun 11:21

Ngem! Yó kem tau gel mò sidek là kô lugun Dwata kul là tnafak, okóm yó kem tau tedeng kmò le gewà.

Kem Udél Hlalak Tehe Selumun 10:25

Sok wen glumfak gefet béléen yóm tau gel mò sidek hol lómón ke miwes klifus yóm tódô klanahen, okóm là kun yóm tau tedeng kmoen tódô kem sana yó ne kun laen kô sónen.

Istér 9:14

Tahu se, nmò yóm tau hol geta yóm hnihen yó ne gotu heglalag le bè yó bè Susa. Yóm lówó yó kem sfolò ngà Haman logi tódô tléwéng le bè yó anì tódô kdéen tau mton kul.

2 Samwél 7:26

Angat tey megdóyón yóm boluyem ne laen kô dù tul sónen, ne yó angat mon yó kem tau, ‘Yóm kul Dwata yó kem tau Israél, Dwata laen dù là gbeken du.’ Ne angat tey kehbegelem du bè soluhem yóm kgeta yó kem sfu Dabid yóm tau tóbóng lówóhem.

2 Samwél 7:16

Yóm kogotem benwu efet kól bè yó kem sfuhem, laen kô dù sónen bè soluhu, ne tey mbegel yóm kegeta ye.’ ”

Kem Udél Hlalak Tehe Selumun 15:25

Dwata se gemlà du yóm kul gmónô yó kem tau hegmón, okóm sen-gyoken yóm kun tonok yóm libun bolu.

Kem Udél Hlalak Tehe Selumun 14:11

Yóm tau gel mò sidek meglà yóm kun kmuleng, okóm yóm tau tedeng kmoen mobung yóm kun kmuleng.

Kem Udél Hlalak Tehe Selumun 14:1

Yóm libun hulung hedem tey tilob kwiten gu lem gónóen, okóm kun yóm libun book mom genbaen yóm kun gónô lemwót bè kbooken.

Kem Lingón 37:10

Móyón le lana lem benwu yó kem tau mò sidek. Anien ke tô hnebelem lu, là kô bud tonem kul ne.

Kem Udél Hlalak Tehe Selumun 12:8

Gel megdóyón yóm tau bè yóm kun khulung hedem, okóm yóm tau là temnù kehedemen són mò le semdekà du.