Kem Udél Hlalak Tehe Selumun 12:4 - Udél Dwata: Gna Kesfasad ne Lomi Kesfasad

⁴ Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

Kem Udél Hlalak Tehe Selumun 12:4 Referans Kwoze

Kem Udél Hlalak Tehe Selumun 14:30

Yóm tau menek kehedemen hyu klówóhen, okóm yóm klenget tau hengoken lem tiolen.

Kem Udél Hlalak Tehe Selumun 14:1

Yóm libun hulung hedem tey tilob kwiten gu lem gónóen, okóm kun yóm libun book mom genbaen yóm kun gónô lemwót bè kbooken.

1 Kurin 11:11

Okóm bè ktahuhen, bè klowil tekuy kem tau hemtahu bè yóm gónó tekuy mogot, là kóen mowil yóm libun ke là wen logi, ne là kóen mowil yóm logi ke là wen libun.

1 Kurin 11:7

Okóm bè logi kun, ke gel mni bè Dwata, là hyuhen ke wen sukuben bè kuluhen, abay se bè yóm kmò Dwata yóm logi, heskélen bè kun knô ne bè kun kmò. Okóm yó dum libun bè yóm kmò Dwata du, heskélen bè kun kmò yóm logi.

Kem Udél Hlalak Tehe Selumun 21:19

Mom hyu he ke nô bè benwu laen dù menwu du yóm tau senta ke setnù le tuha libunen yóm gel mit du sgés ne lembut du.

Kem Udél Hlalak Tehe Selumun 21:9

Mom hyu he ke nô te hatal yóm tau, senta ke setnù le tuha libunen yóm gel mit du sgés lem gónô.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.

Rut 3:11

Duhen ni, Rut, béem htafa nawam, nmou yóm kdê kóyóem. Deng gotu tngón yó kem tau bè nim benwu ni yóm tey kgulit knawahem.

Kem Udél Hlalak Tehe Selumun 12:5

Yó kem atul yó kem tau tedeng kmò le hono tedeng, okóm yó kem tau gel mò sidek yóm kul udél hlalak hono sukat.

Kem Udél Hlalak Tehe Selumun 18:22

Yóm tau mton yehen tonen yóm hyu béléen ne gutahen yóm kehyu nawa Dwata ebéléen.

Kem Udél Hlalak Tehe Selumun 11:22

Yóm kóngó yóm libun tilob ke là hulungen mit du hyu yóm kmoen, lómón kóngóhen ke lenahu tising blówón mebtes yóm ngólón sdô.

Kem Udél Hlalak Tehe Selumun 30:23

ne sok myehen yóm libun alì kenlit kem tau ne yóm hesek libun ke mò tles yóm ogoten libun. Ni se koni yóm fat là gehbala kem tau du.

Kem Udél Hlalak Tehe Selumun 31:29

Monen, “Tey dê libun hyu kmò le okóm uu yóm hol lemyu bè kdéen.” Ni se koni udél yóm tuha logihen.