Kem Udél Hlalak Tehe Selumun 12:12 - Udél Dwata: Gna Kesfasad ne Lomi Kesfasad

¹² Mom gebà yóm gónón tô heklung yóm tau gel mò sidek, okóm yóm tau tedeng kmoen laen kô tul keskibolen yóm kun kehdolil.

Kem Udél Hlalak Tehe Selumun 12:12 Referans Kwoze

Kun Snulat Jan 15:5

Ou se yóm hulu lemfà ne yu hangahen. Yó se tau henek béléu, heneke se béléen do, ne angat tey kbunguhen. Okóm ke là henek ye béléu, laen kô dù gmò ye.

Isaya 37:31

Yó kem dù tau mowil bè Juda, bud hyu klowil le, mkél le bè yó kem hulu alì tilob ktowok le, ne baling ngelem kdolil le ne tilob kbungu le.

Isaya 27:6

Angat wen kdawen tey kdolil le yó kem tau Israél, yó kem tau semfu gu bè tehe Jakub. Hol lómón tô le koyu, tey kbulók le efet lengeben klamangen benwu yó kem bungu le. Là gomongen bè nili yóm bérs 7 kól bè 13. Bè bérs 7 wen snólók Isaya. Yó snólóken, “Deng tnafak Dwata kô Israél mkél bè yóm ktafaken yó kem hohon le? Là, olon tmafak kul néen yó kem tau Israél, mò olob yó kem salà le, okóm bè yó kem hohon le gotu genlaen lu kul.” Ne angat kól yóm kdawen bud nwit Dwata lu semfulék ebè Jirusalim yó kem kun tau deng negef ebè Asirya ne ebè Idyip, angat le bud tmaba ebè Dwata ditu bè kun bulul.

Kem Lingón 10:9

Eles le hmilung mangat lómón liyun, hnilung nangat kenfô le yó kem tau laen dù gmò le. Ke deng gekfô le lu, omin le kendel demyol kul lem holot le.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Sulat Pol Ebè Yó Kem Tau Hemtahu Bè Rom 6:22

Okóm ni, deng ye gewà bè yóm óyô mò sidek, baling ye ghesek bè Dwata. Yó uléken, baling ye tedeng bè ktonen kuy, ne angat blayen kuy yóm klowil laen dù sónen.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kem Udél Hlalak Tehe Selumun 10:15

Yóm kemlung du yóm tau mdengen duhen yóm kun kimu. Ne yóm hemsidek yóm tau élél duhen yóm kélélen.

Kem Lingón 9:15

Yó kem tau bè kem dumu benwu, deng le mokol sól mò gónó le kemfô kem dumu tau, deng mom lu btang elem yóm sol nokol le.

Kem Udél Hlalak Tehe Selumun 11:30

Lemowil béléen kem dumu tau yóm tau tedeng kmoen ne yóm tau hulung hedem niten ebè Dwata kem dumun.

Kem Udél Hlalak Tehe Selumun 21:10

Yóm tau gel mò sidek són nusolen yóm kmoen sidek ne laen kô koduhen kdumun.