Kem Udél Hlalak Tehe Selumun 12:11 - Udél Dwata: Gna Kesfasad ne Lomi Kesfasad

¹¹ Sal gel wen kenen yóm tau gel mò nmò bè tonok, okóm yóm tau gel nmungen yó kem atul laen dù muhen là hulungen hedem.

Kem Udél Hlalak Tehe Selumun 12:11 Referans Kwoze

Kem Udél Hlalak Tehe Selumun 28:19

Yóm tau gel mò nmò bè tonok són moen gengón kenen, okóm yóm tau gel mmung yóm atul laen dù muhen, tódô gotu du gónón élél.

Kem Udél Hlalak Tehe Selumun 14:23

Yóm tau mò nmò sal gel wen gutahen, okóm yóm tau olon beyen stulón yó se mit du élél.

Kem Lingón 128:2

Lemwót bè kmoem nmò, angat wen gónóhem gel ma yó kem wen muhem du. Angat gsengel nawahem du, ne hyu kógów klowilem.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

2 Tisalunika 3:8

Là kô me mni bélê ye mò lowil me, okóm tódô gel benli me yóm kum gel ken. Tey gel kmò me nmò, lenulus me kdaw ne glakit me kifu anì là glayam ye temdof kum.

Kem Udél Hlalak Tehe Selumun 9:6

Kó ye yóm là kngelem kehedem ye anì tahà ktau ye ne lolò ye kmò klan yóm khulung temnef.” Ni se koni yó kem udél yóm khulung hedem.

Kem Udél Hlalak Tehe Selumun 14:4

Là kóen meglem yóm fol sok laen dù ógóf mò nmò, okóm ke wen ógóf mò nmò, gengón se ken gefet.

Kem Udél Hlalak Tehe Selumun 7:7

Tódô tonu se yó kem là ngelem kehedem le duhen yó kem logi lomi lemnok ne wen sotu bélê le yóm laen dù ledemen.

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Kem Udél Hlalak Tehe Selumun 6:32

Okóm yóm tau mò samuk bè tuha libun dumu tau lómón ke laen dù ledemen. Yóm tau mò du nim ni heglaen knóen.

Kem Udél Hlalak Tehe Selumun 9:16

Yó monen mò kul, “Hol ye husek e dini yu kem tau là ngelem kehedemen ne yu kem tau book.” Ne yó bud udélen ebélê le, monen,

Kem Udél Hlalak Tehe Selumun 9:13

Yóm kbook lómón ke yóm libun mlos laen dù yaken ne laen dù mtukul gónón henek.

Kem Lingón 26:4

Là kóe gel mung seyón bè yó kem tau mò kéng, ne là se kóe gel slomong bè yó kem tau olon nô te kulit yóm kehtahu le.

Kmukum 9:4

Wen hitu folò botù blówón bukay blay le ke Abimélék lemwót bè gónô yóm kul dwata lennged boluyen Baal-birit. Yó muhen du mò sukéy yó kem lumbuk tau gel mò sidek mò mung du.

Juna 2:8

Yó kem tau hemtahu bè yó kem dwata lennged laen dù muhen, deng knogol le uu ne.

Kem Udél Hlalak Tehe Selumun 27:27

Ne bè yóm gatas yó kem dù tubidem gónó ye ma mò bè kken ye ne gomong yó kem ngà libun mò nmò béléem.

Kem Udél Hlalak Tehe Selumun 13:23

Tey hyu huluhen yóm tonok yóm tau élél hanà lomi kebà du, okóm lemwót bè yóm là ktedeng nmò kem dumu tau fen heklanas du.

Kem Udél Hlalak Tehe Selumun 20:13

Béem henlom ktungóem déke balingi élél, btiki ne moi nmò ne là kói élél ken.