Kem Udél Hlalak Tehe Selumun 12:10 - Udél Dwata: Gna Kesfasad ne Lomi Kesfasad

¹⁰ Yóm tau tedeng kmoen tilob kesegyoken yó kem ógófen, okóm yóm tau gel mò sidek sidek kógófen.

Kem Udél Hlalak Tehe Selumun 12:10 Referans Kwoze

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

Kun Snulat Jan 4:11

Bud mon yóm libun yó, “Laen sem dù timbà nitem du, Sér, lelen alì ngelem nim kokol ni. Gónóm tô ma du se yóm él monem yó koni?

1 Samwél 11:2

Okóm yó balà Nahas kul, monen, “Mite sbilà bélê ye okóm wen hnihu bélê ye. Lensitu doli mata kwanan ye mò gónóhu hemyak yóm kdéen tau Israél.”

1 Kurin 9:9

Yakà deng gesfala tekuy du yóm hlau yó ekni, yóm monen, “Ke dmadu yóm safì, bê ye abay hnungus.” Bè nim udél Dwata ni, là olon bè safì du gónón e gbak.

Kem Udél Hlalak Tehe Selumun 12:9

Mom hyu he kun yóm tau glaan mowil bè kmoen nmò, senta yóm tau tô hlingu tau hol geta bede élél ken.

Isaya 36:17

efet niten yu ebè yóm dumu benwu mò gónó ye nô, yóm benwu hol mkél bè yóm kuy benwu ni, yóm hol gónón nô yóm grép alì tmifas ne halay mò ken ye.