Kem Udél Hlalak Tehe Selumun 12:1 - Udél Dwata: Gna Kesfasad ne Lomi Kesfasad

¹ Yóm tau móyô hnau nóyóen yóm ketngón, okóm yóm tau kenbéen yóm kbólów du, book.

Kem Udél Hlalak Tehe Selumun 12:1 Referans Kwoze

Kem Udél Hlalak Tehe Selumun 15:10

Yóm tau ke knogolen yóm nmò tedeng wen tey sidek tafaken ne yóm tau kenbéen yóm kbólów du hukolen ktauhen.

Kem Udél Hlalak Tehe Selumun 18:1

Yóm tau là hulungen swè olohen hemdem yóm kun knô ne gel hnebelen lanen sembólów kdê yó kem nmò tedeng.

Kem Lingón 92:6

Yóm tau laen dù tngónen, balù udì ke glileben kun nim ni. Senged se yóm tau nungel, là kô glileben du.

Kem Lingón 32:9

Béi hungel mkél bè kudà, song mimón benklil ke wen kakangen.”

2 Tisalunika 2:10

Tódô ket du yóm nmoen mò gónón gemsukat yó kem tau angat hlós elem hatay. Yó gónó le angat hlós elem hatay, abay se deng tehe kenbê le yóm hol ktahuhen mò gónó le gewà.

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Kem Udél Hlalak Tehe Selumun 8:32

Duhen ni kem ngà, hol hnungol ye o. Wen kligalen yóm tau mimón do.

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Kem Lingón 119:27

Tnóbóngem o anì hol tngónu lanen yó kem hlauhem, senflósu hemdem du yó kem hentaw ton gel nmoem.

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Udél Hlalak Tehe Selumun 11:31

Ke guta le ulék yóm deng nmò le bè ni te tonok yó kem tau tedeng kmò le milud he kul yó du kem tau gel mò sidek ne kem tau gemsalà.

Kem Udél Hlalak Tehe Selumun 12:2

Yóm tau hyu kmoen gwahen yóm kehyu nawa Dwata ebéléen, okóm yóm tau matul mò sidek tnuled Dwata.

Kem Udél Hlalak Tehe Selumun 30:2

Bè kdéen tau, ou se yóm laen dù tngónen ne là se nóen béléu yóm khulung tau temnef.

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Kem Udél Hlalak Tehe Selumun 10:8

Kenmónen yó kem hlolò yóm tau hulung hedem, okóm yóm tau mò kestulón nungel heglaen knóen.