Kem Udél Hlalak Tehe Selumun 11:9 - Udél Dwata: Gna Kesfasad ne Lomi Kesfasad

⁹ Lemwót bè kun kudél gónó le meglà kem dumun yóm tau là madat ke Dwata, okóm lemwót bè ketngón yóm tau tedeng kmoen gónó le gewà.

Kem Udél Hlalak Tehe Selumun 11:9 Referans Kwoze

1 Jan 2:27

Okóm yó dum kuy, deng sù Krays bélê ye yóm kun Tulus. Anien he ke laen dù tau bud tmolok kuy syan ke senflósen nô bélê ye yóm kun Tulus. Abay se du fen tmolok kuy yóm kdéen, ne laen dù kéng boolen yóm gel toloken kuy, hono tahu. Yó gónóm mon, hol gel nimón ye sen yóm gel toloken kuy yóm Tulus Dwata, ne hol henlós ye yóm kessotu ye bè Krays.

1 Jan 2:21

Sundu mon dé ke yó gónóhu smulat ebélê ye ke là deng tngón ye du yóm ktahuhen. Okóm yó gónóhu smulat, abay se deng tngón ye, ne deng tngón ye snéen laen kô dù kéng ke tmowok gu bè yóm tahu.

Kul Nmò 20:30

Ne angat wen kdawen,” monen, “angat wen lemwót bè kuy kwen angat tmolok sekban, kóyô le ke gmung bélê le yó kem tau hemtahu.

Kem Lingón 55:12

Ke yó dum hohonu yóm hemnê dou, gbeku hembala du. Bede là hohonu du yóm hemnê dou yó. Ke hohonu, gbeku hembnos du.

Matyu 7:15

“Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.

1 Bok Kem Tau Hol Geta 22:6

Tahu se, gotu htaba Ahab yó kem tugoden, botong dô fat latu kwen le, ne ominen smólók kul, “Nundugu Ramut-gilyad kô, duhen ke là?” Mon le se, “Nundugem sen, angat tey kehegmò Dwata kóm.”

Mark 13:14

Bud mon Jisas, “Angat wen ton ye yóm alì sidek knikò, tódô mdà bè Gónô Dwata, yóm tô matù ke Dwata.” Yóm tau semfala du nim ni, hol hennagien kmò klanen. “Ke sok kól yóm kdaw yó, eles le mlóy elem bulul ne yó kem tau menwu bè prubinsya Judiya.

Kem Udél Hlalak Tehe Selumun 11:6

Yóm kul ktedeng yó kem tau gsalig yó se hegewà kul gu lem yó kem sidek, okóm yó kem tau là gsalig kul, gholot le bè yóm sidek alì nusol nawa le.

Kem Udél Hlalak Tehe Selumun 11:8

Yóm tau tedeng kmoen gewà gu lem yóm hlayam ne yóm tau gel mò sidek mom yó yóm meflayam.

Kem Udél Hlalak Tehe Selumun 16:29

Yó kem tau gel hmugus, n-goy le kem dumu le ne nwit le lu e lem yóm nmò là hyuhen.