Kem Udél Hlalak Tehe Selumun 11:7 - Udél Dwata: Gna Kesfasad ne Lomi Kesfasad

⁷ Sok matay yóm tau gel mò sidek tódô lana yóm kun hendón ne laen kô gónón e baling yóm kendengen nefet nawan.

Kem Udél Hlalak Tehe Selumun 11:7 Referans Kwoze

Kem Udél Hlalak Tehe Selumun 10:28

Yóm nefet nawa yóm tau tedeng kmoen duhen yóm kligalen, okóm yóm tau gel mò sidek yóm kun hendeen laen kô tul kesuten béléen.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Kem Lingón 146:4

Ke matay le, bud le baling kfung se kul, ne kdê yó kem tehe natul le, gotu gesón.

Kem Lingón 112:10

Yóm kul kmò yó, gel ton yó kem tau gel mò sidek, deng le mom semdken beeng botong kebut le du. Okóm yó kem tau sidek nmò le yó, tódô le kendel lana lem benwu, là balingen yó kem tô atul le.

Kem Udél Hlalak Tehe Selumun 11:8

Yóm tau tedeng kmoen gewà gu lem yóm hlayam ne yóm tau gel mò sidek mom yó yóm meflayam.

Kem Udél Hlalak Tehe Selumun 10:29

Dwata mò gónó le e mlo yó kem tau tedeng kmò le, okóm yó kem tau gel mò sidek bud du se gónó le meglà.