Kem Udél Hlalak Tehe Selumun 11:5 - Udél Dwata: Gna Kesfasad ne Lomi Kesfasad

⁵ Lemwót bè yóm kun ktedeng yóm tau laen dù belenen mit du ebè kehyuhen, okóm yóm tau gel mò sidek lemwót bè yóm sidek gel nmoen mit du meglà.

Kem Udél Hlalak Tehe Selumun 11:5 Referans Kwoze

Kem Udél Hlalak Tehe Selumun 5:22

Yóm tau gel mò sidek deng gfét lem salà ne. Yóm salaen henged fét mgen du.

Kem Udél Hlalak Tehe Selumun 11:3

Tendo le galak bè yóm ktedengen yó kem tau tedeng kmò le, okóm yó kem tau là gsalig kul bè yóm kul keseblékê, yó se heglà kul.

Kem Udél Hlalak Tehe Selumun 3:6

Balù nô kihu nmoem nam na gel setngón ke Dwata ne du he malak kóm bè yóm lan tedeng.

2 Samwél 17:23

Tikóng tngón Ahitufél yóm là klolò le du yóm kun hlau, tódô lemwót, senyaen kudà asnuhen, ne mulék ebè yóm kun benwu. Wen kem udél tebelen bè yó kem fes lówóhen, ominen mówól liholen, ne matay. Ne lebeng le bè yóm kilib tehe gónó le lembeng ke maen.

Kem Udél Hlalak Tehe Selumun 12:3

Là kóen mdengen ktauhen yóm tau gel mò sidek, okóm yóm tau tedeng kmoen laen kô tul keskibolen yóm kun kehdolil.

Kem Udél Hlalak Tehe Selumun 21:29

Yóm tau gel mò sidek olon hmingón hegfan du yóm ktedeng kmoen, okóm yóm tau tedeng kmoen gel hendemen yóm ktedeng kmoen ebè kem dumun.

Kem Udél Hlalak Tehe Selumun 1:18

Okóm kul ni du kem tau mò sidek ni mom ten-geed le hmatay kul knô.

Kem Udél Hlalak Tehe Selumun 13:6

Yóm kemlung yóm tau laen dù belenen duhen yóm ktedengen, okóm yóm sidek gel nmò yóm tau gemsalà yó se mit du meglà.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Kem Udél Hlalak Tehe Selumun 15:19

Yóm kun klowil yóm tau lemfu, lómón ke yóm lan tódô tfeng sual, okóm yóm kun klowil yóm tau tedeng kmoen, lómón ke yóm lan tódô mló.

Kem Udél Hlalak Tehe Selumun 28:18

Yóm tau laen dù belenen tey hyu knóen, okóm yóm tau là tedeng kmoen mekto keglaen.

Isaya 26:7

Tey hyu, Dwata, yóm lan nmoem bè yó kem tau hyu kmò le, tey sdatal yóm lan lolò le.

Husiya 5:5

Yó deng temksì kul yó kem tau Israél, duhen yóm alì keheklabak le. Gotu le tlokob lemwót bè keblat yó kem salà nbô le. Balù Juda, angat mung tlokob bélê le.