Kem Udél Hlalak Tehe Selumun 11:4 - Udél Dwata: Gna Kesfasad ne Lomi Kesfasad

⁴ Laen kô muhen bè tau yóm kendengenen bè yóm kdaw katayen, okóm yóm ktedeng kmoen htahaen ktauhen.

Kem Udél Hlalak Tehe Selumun 11:4 Referans Kwoze

Kem Udél Hlalak Tehe Selumun 10:2

Yóm kendengen là mlanen bè ktedengen laen kô uléken, okóm yóm ktedeng kmoem htahaen ktauhem.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Sulat Pol Ebè Yó Kem Tau Hemtahu Bè Rom 5:17

Tahu se, lemwót bè yóm salà yóm sotu tau, yó gónón wen hatay. Okóm yóm kun nmò yóm sotu tau, duhen Jisas Krays, tódô kdéen tau gmuta yóm tey basa Dwata duhen yóm ktedeng kton Dwata kul. Blayen kul yóm klowil laen kô dù tul sónen, ne angat le gomong bè Krays mogot benwu.

Kem Udél Hlalak Tehe Selumun 12:28

Yóm lan tau ebè yóm ktahà ktauhen duhen yóm ktedeng kmò, okóm yóm ksigol kmò lan tau e lem hatay.

Kem Udél Hlalak Tehe Selumun 6:34

Yakà alien lemenget ne sidek kebuten yóm fun yehen ne sok meles laen kô koduhen du.

Isaya 10:3

Tedu se kmò ye du du bè yóm angat ktafak Dwata kuy? Tedu tô kmò ye du du yóm kwen glumfak bong angat hwiten ebélê ye lemwót bè dumu benwu mayuk? Gónó ye e tô mlóy mni tóbóng du? Gónó ye e tô bemnos du du yóm tey kendengen ye?