Kem Udél Hlalak Tehe Selumun 11:16 - Udél Dwata: Gna Kesfasad ne Lomi Kesfasad

¹⁶ Gel gutahen kegdóyónen yóm libun hyu kmoen, okóm là kun yóm tau gel hmugus olon gmuta kendengenen.

Kem Udél Hlalak Tehe Selumun 11:16 Referans Kwoze

Kun Snulat Luk 10:42

Tek sotu se yóm bong muhen, duhen yóm deng kun nélék Midi, yóm laen dù bud gemwa du béléen.”

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

2 Jan 1:1

Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.

Kun Snulat Luk 8:3

Ne sotuhen, Juhana yehen Kusa, yóm tau bong glalen bè Hirod. Bud sotuhen, Susana ne tey wen he kem dumuhen. Lemwót bélê le yó kem mò tdof le kul le Jisas ne yó kem gel lemolò du.

Matyu 26:13

Tódô tulónu kuy ktahuhen,” mon Jisas, “balù kihu gónón angat e mból bè klamangen benwu yóm Tulón Hyu lemwót bè Dwata, tendo gel gboluy snéen kun nim libun ni lemwót bè yóm deng nmoen béléu.”

Istér 9:25

Okóm mógów ebè yóm tau hol geta Istér ne yó nmò yóm tau hol geta yó, wen udin nmoen anì mulék eta Haman yóm sidek tô atulen bè yó kem Ju. Mom Haman hetléwéng le, mung tléwéng le béléen yó kem ngaen logi bè yóm koyu tehe hefdaen.

Sulat Pol Ebè Yó Kem Tau Hemtahu Bè Rom 16:6

Ne bud hendemu lenibun Miri snéen. Tey kmoen nmò lem blóng ye lanen tmóbóng kuy.

Kem Udél Hlalak Tehe Selumun 31:28

Nim libun ni sal gel hegfan yó kem ngaen yóm tey kehyu nawa le ebéléen senged se yóm tuha logihen tey kdóyónen du.

1 Samwél 25:40

Timbow le kól bè Karmél bè gónô Abigil yó kem tau dók Dabid yó koni, tulón le ke Abigil, mon le, “Hógów Dabid mi edini béléem anì nwit me uu mò yehenen.”

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”

Amus 3:10

Yó udél Dwata, monen, “Ni kem dou tau ni, là hulung le mò du yóm tedeng. Deng tódô hennok le yóm gónô bong yóm kimu hennagaw le ne hnugus le.