11 Megkay yóm benwu bong lemwót bè kul kuyag du yó kem tau tedeng kmò le, okóm yóm kul udél yó kem tau gel mò sidek fen heglà du.
Yóm htótól du yóm benwu bong duhen yóm ktedeng kmò kem tau nô du, okóm salà hemyak yó kem tauhen.
Yó kem tau gel semdekà gbek le hebut yó kem tau bè sotu benwu, okóm yó kem tau hulung hedem gbek le hebó du yóm kebut le yó.
Ne yóm gel ksumóng tau, hol mkél bè ofi. Hol gónón smala kentihen sidek nmò tau. Bud lemwót bè ksumóng tekuy gónón sidek kehedem tekuy ne ksidek yóm nmò tekuy, ngangen ne efet laen dù gónón e kól ktau tekuy. Abay se yóm ksidek kbak tau, hol lómón yóm ofi lemwót bè lanaw ofi.
Wen sotu tau bè yó tendo gel sembeweg kehedem tau, boluyen Siba ngà Bikri semfu gu bè Bindyamin. Yó nmoen, hunihen yóm féw bong, ne hgelen udélen, monen, “Ó kem tau Israél, laen dù kut du yóm Dabid. Laen dù ofol tekuy ke mung tekuy bè ngà Jisi. Mulék tekuy ne, kem tau Israél.”
Yó gónóm mon, là kô yu du yóm hógów dou edini, kaem Dwata. Deng henbalingen ou mò geta bè yó kem genlal Faro. Ou se snaligen bè klamang yóm benwu nogoten ne ou se gubérnor bè klamang Idyip.
Tey le hligal yó kem tau bè yóm benwu ke wen hyu sut bè yóm tau tedeng kmoen ne ke matay yóm tau gel mò sidek tey keklélé le du.
Là kóen hulung hedem yóm tau sendekaen kem dumun, okóm yóm tau hulung temnef tódô yem.
Sok heguluk yó kem tau lem yóm benwu, són moen se stólóng tau stufì mogot du, okóm mbegel yóm benwu ke hulung le temnef ne temngón yóm tau mogot du.