Kem Udél Hlalak Tehe Selumun 11:10 - Udél Dwata: Gna Kesfasad ne Lomi Kesfasad

¹⁰ Tey le hligal yó kem tau bè yóm benwu ke wen hyu sut bè yóm tau tedeng kmoen ne ke matay yóm tau gel mò sidek tey keklélé le du.

Kem Udél Hlalak Tehe Selumun 11:10 Referans Kwoze

Kem Udél Hlalak Tehe Selumun 28:12

Tey le hligal yó kem tau ke baling kmamal yó kem tau tedeng kmò le, okóm ke kmamal yó kem tau gel mò sidek là kô le hol gliwà yó kem tau knamal le.

Kmukum 5:31

Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

Kem Udél Hlalak Tehe Selumun 28:28

Là kô le hol gliwà yó kem tau ke baling kmamal yó kem tau gel mò sidek, okóm sok là bud le kmamal yó he bud kul kogot benwu yó kem tau tedeng kmò le.

Kehewà 15:21

Omin Miryam lemingón bélê le, yó lingónen, “Lemingón tekuy ebè Dwata lemwót bè yóm tey deng kegmoen bè yó kem hohon tekuy. Tudaen elem él yó kem kudà le, mung du yó kem tau smakay kul.”

2 Bok Kem Tau Hol Geta 11:20

Duhen yó, tódô kdê yó kem tau gotu le hligal. Kogol yóm khatay le ke Boi Atalaya bè gónô bong, tey menek lem yóm syudad.

Kem Udél Hlalak Tehe Selumun 11:11

Megkay yóm benwu bong lemwót bè kul kuyag du yó kem tau tedeng kmò le, okóm yóm kul udél yó kem tau gel mò sidek fen heglà du.

Kem Udél Hlalak Tehe Selumun 29:2

Hligal kem tau ke kem tau tedeng kmò le mogot benwu, okóm ke kem tau gel mò sidek yóm mogot benwu tey sidek kegnóm kem tau du.

2 Tutul Israél 23:13

Ne tódô tonen yóm lomi tau hol geta mdà bè yóm hehek botu bè gónó husek, yó se yóm sana kul adat, mdà gu hilolen yó kem kmandér ne yó kem tau myuf féw, ne kdê yó kem tau lemwót bè klamangen benwu le, gotu le hligal lel le mféw. Lel yó kem tau semngal hmung le bè yóm gel nuni le, lu se malak yó kem tau bè yóm tey kehligal le yó. Bè yóm kton Atalaya du nim kdéen ni, tódô kenséen nesen, botong ksidek kegnómen du ominen htê, monen, “Kem tau heklabak! Kem tau hton dóyón!”

2 Tutul Israél 23:21

Duhen yó, tódô kdê yó kem tau bè klamangen benwu le, gotu le hligal, ne tey menek lem yóm syudad kogol yóm khatay le ke Atalaya.