Kem Udél Hlalak Tehe Selumun 10:8 - Udél Dwata: Gna Kesfasad ne Lomi Kesfasad

⁸ Kenmónen yó kem hlolò yóm tau hulung hedem, okóm yóm tau mò kestulón nungel heglaen knóen.

Kem Udél Hlalak Tehe Selumun 10:8 Referans Kwoze

Kem Udél Hlalak Tehe Selumun 12:1

Yóm tau móyô hnau nóyóen yóm ketngón, okóm yóm tau kenbéen yóm kbólów du, book.

Sulat Jim 3:13

Wen kô bélê ye temngón ne hulung hedem? Són sem bè khulungen mit ktauhen gónóhen gfan ke tahu duhen, ne bè yóm kehyu kmoen, mung du yóm khulungen heglaan mlan bè ketngónen.

Kem Udél Hlalak Tehe Selumun 9:9

Ke hnauhem yóm tau hulung hedem mom temnù yóm khulungen hedem. Ke tolokem yóm tau tedeng kmoen mom bud temnù yóm kun dnalang.

Kem Udél Hlalak Tehe Selumun 1:5

Balù yóm tau hulung hedem ne hulung temnef sok gungolen ni kem udél ni, temnù yóm ketngónen ne gbeken se malak yóm kun kmò kógów kehedem.

Kem Udél Hlalak Tehe Selumun 14:23

Yóm tau mò nmò sal gel wen gutahen, okóm yóm tau olon beyen stulón yó se mit du élél.

Kem Udél Hlalak Tehe Selumun 14:8

Yóm khulung tau milô hetngón du du yóm kun kmò kekdol, okóm yóm tau book, gsukat bè ksalà kehedemen.

Kem Udél Hlalak Tehe Selumun 13:3

Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.

Kem Udél Hlalak Tehe Selumun 12:13

Gholot lemwót bè kun ksidek kudél yóm tau gel mò sidek, okóm yóm tau tedeng kmoen gewà gu lem hlayam.

Kem Udél Hlalak Tehe Selumun 10:10

Yóm tau nmungen yóm là tahun, hnayamen kem dumuhen, okóm yóm tau tódô bnólówen yóm sidek nmò kem dumun, senfyuhen kem dumun.

Kem Lingón 119:34

Benlayem ou khulung temnef anì nimónu yóm hlauhem, ne hewótu lem but blututu yóm kimónu du.

Kem Udél Hlalak Tehe Selumun 9:8

Béem dog bnólów ne yóm tau sedekà, déke mom knutó nawahen uu. Ke bnólówem yóm tau hulung hedem mom kenbong nawan uu.

Kem Udél Hlalak Tehe Selumun 10:14

Yóm tau hulung hedem nan tógón yóm kwen muhen bemsut du yóm ketngónen, okóm yóm tau book tódô faen mudél ne là dog hendemen du yóm gfaen du.