Kem Udél Hlalak Tehe Selumun 10:6 - Udél Dwata: Gna Kesfasad ne Lomi Kesfasad

⁶ Gutahen yóm kehyu klowilen yóm tau tedeng kmoen, okóm yóm tau gel mò sidek yóm kun kudél gónón gebnos yóm alì ksidek nmoen.

Kem Udél Hlalak Tehe Selumun 10:6 Referans Kwoze

Dwata 28:2

Hol nimón ye yóm sana kuy Dwata hol gónó mogot anì ton ye yóm kdê tóbóngen kuy nii.

Kem Udél Hlalak Tehe Selumun 28:20

Yóm tau laen dù belenen tódô seflós kuyag Dwata du, okóm yóm tau hensloen kwen kendengenen ne ke mlan bè là ktedengen, là kô tódô lugun Dwata du là tnafak.

Kem Udél Hlalak Tehe Selumun 24:25

Okóm yó kem tau kmukum ke tnafak le yóm tau wen salaen hyu klowil le ne tey ksalù kem tau kul.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Kem Udél Hlalak Tehe Selumun 11:26

Tey ktuled kem tau du yóm tau gel hembalù ke tlek temginof halay, okóm meguyag se kun yóm tau tódô kendel hembalù halay.

Kem Lingón 107:42

Ni kem nmò Dwata ni, gotu ton yó kem tau tedeng kmò le, ya tey kligal le. Okóm yó kem tau sidek nmò le, là kô le gudél kul.

Istér 7:8

Tódô kem hegluduk bè yóm gónóhen nô Istér na a hkodu béléen. Geslaen se bud kuléken elemen yóm tau hol geta gu bè lósólen. Bè yóm ktonen du yóm nmò Haman tódô hetê, monen, “Moen du ke deng mom glefem yóm yehenu igoen tolo nô béléu bè ni lem gónóu?” Unihen mon du nim ni yóm tau hol geta, uni le lemimun kulu Haman yó kem tau gel tóbóng lówó yóm tau hol geta, yó se ilô yóm khatay le du.

Kem Udél Hlalak Tehe Selumun 10:5

Kesok deng gefet huluhen yóm tau hulung milô eles gel sentifunen yó kem tbasen, okóm yóm tau tlek kun tungô bè yóm igò muta henyaken knóen.

Ubadaya 1:10

“Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.

Kem Udél Hlalak Tehe Selumun 3:33

Tnuled Dwata yó kem gmónô gel mò sidek, okóm fen nuyagen yó kem gmónô tedeng kmò le.