Kem Udél Hlalak Tehe Selumun 10:21 - Udél Dwata: Gna Kesfasad ne Lomi Kesfasad

²¹ Tey wen gónón gemtóbóng kem dumun yóm kun udél yóm tau tedeng kmoen, okóm yóm tau book là kóen tahà ktauhen lemwót bè là khulungen hedem.

Kem Udél Hlalak Tehe Selumun 10:21 Referans Kwoze

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Kem Udél Hlalak Tehe Selumun 1:29

Yakà yó duónen, laen dù óyô ye du yóm dou ketngón ne mom kenbê ye madat ke Dwata.

Kem Udél Hlalak Tehe Selumun 15:4

Yóm udél hemyu nawa tendo lenowilen tau, okóm yóm udél wen keseblékê nô du, henblaten nawa tau.

Kem Udél Hlalak Tehe Selumun 5:23

Matay lemwót bè là kgafasen nawan. Yóm alì kbooken mit du tlas.

Kem Udél Hlalak Tehe Selumun 5:12

Mom yó he kmonem du, “Yake tehehe móyô hnau ne yake tehe nimónu yóm kul gel kbólów dou.

Kem Udél Hlalak Tehe Selumun 1:31

Yó gónóm mon, guta ye bunguhen yóm ungel ye ne glayam ye du.

Jirimaya 15:16

Dengi mudél ebéléu ne gel hnungolu se yóm kdê udélem. Bè kóm udél se gónów gel hligal, yakà uu du se yóm Dwata laen dù là gbeken du ne kóm boluy yóm gel nwitu.

Kem Udél Hlalak Tehe Selumun 12:18

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

1 Pitér 5:2

Hol sen-gyok ye yó kem tau deng hesegyok Dwata kuy. Hol lómón ke ubiha le, ne yu yóm tau fen gel semgyok kul. Yó kun kóyô Dwata ke hol ye hligal bè yóm gel kesegyok ye kul. Hol bê ye abay nmò ke là lemwóten bè nawa ye. Hol bê ye abay nmò ke són hendem ye bè kguta ye filak. Song nmò ye ke lemwót bè yóm hol óyô ye tmóbóng kul bè kehtahu le.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Jirimaya 3:15

Angat suu lem blóng ye yó kem tau temngón ne hulung hedem mò malak kuy, kem tau tendo gel mimón dou.

Kem Lingón 37:30

Yóm tau hyu kmoen, dilô bè kudélen yóm khulungen hedem, ne laen dù mtukul nfihen.

Matyu 12:35

Yóm tau hyu, hyu kebkóhen lemwót bè yóm hyu gel suen lem hendemen. Yóm tau sidek, sidek kebkóhen lemwót bè yóm sidek gel suen lem hendemen.

Kem Udél Hlalak Tehe Selumun 6:32

Okóm yóm tau mò samuk bè tuha libun dumu tau lómón ke laen dù ledemen. Yóm tau mò du nim ni heglaen knóen.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Kem Udél Hlalak Tehe Selumun 5:2

anì hulungi mit du hyu yóm kmoem ne dilô bè kudélem yóm ketngónem.

Kem Udél Hlalak Tehe Selumun 15:7

Hbólen yóm ketngón yóm kun kudél yóm tau hulung hedem, okóm fen là kun yóm tau book.

Kehedem Tau Tmolok 12:11

Yóm udél yóm tau hulung hedem, hol lómón ke yóm tuged telem nogot yó kem tau semgyok ubiha mò malak yó kem ubihahen. Yóm udél hlalak, là kóen lana, lómón yóm tutuk tilob klahulen. Deng blay Dwata tekuy ni kem ni, yóm Dwata hol semgyok tekuy.