Kem Udél Hlalak Tehe Selumun 10:2 - Udél Dwata: Gna Kesfasad ne Lomi Kesfasad

² Yóm kendengen là mlanen bè ktedengen laen kô uléken, okóm yóm ktedeng kmoem htahaen ktauhem.

Kem Udél Hlalak Tehe Selumun 10:2 Referans Kwoze

Kem Udél Hlalak Tehe Selumun 11:4

Laen kô muhen bè tau yóm kendengenen bè yóm kdaw katayen, okóm yóm ktedeng kmoen htahaen ktauhen.

Kem Udél Hlalak Tehe Selumun 21:6

Yóm kendengen guta tau mlan bè ktulónen kéng tódô kmanas lómón keklanasen bulók kulón ne ni se gónón gholot e lem hatay.

Kem Udél Hlalak Tehe Selumun 12:28

Yóm lan tau ebè yóm ktahà ktauhen duhen yóm ktedeng kmò, okóm yóm ksigol kmò lan tau e lem hatay.

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Kem Udél Hlalak Tehe Selumun 13:11

Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.