Kem Udél Hlalak Tehe Selumun 10:12 - Udél Dwata: Gna Kesfasad ne Lomi Kesfasad

¹² Yóm utó nawa tau tendo gónón lemwót yóm kesbólów, okóm yóm tau kenbong nawan kem dumun tódô hnifóten yó kem salà le.

Kem Udél Hlalak Tehe Selumun 10:12 Referans Kwoze

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

Kem Udél Hlalak Tehe Selumun 17:9

Yóm tau tódô hnifóten yóm gemsalà béléen hnebelen yóm kesbong nawa, okóm yóm tau són moen bud mtóng du yóm gemsalà béléen senkóhen yóm keswè.

Kem Udél Hlalak Tehe Selumun 15:18

Yóm tau sunget són moen mit sbólów bè kem dumu tau, okóm yóm tau là mahilen lembut fen gel senfyuhen yó kem tau sbólów.

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Kem Udél Hlalak Tehe Selumun 28:25

Yóm keseglom tau gónón lemwót kesbólów, okóm yóm tau smalig bè Dwata hyu klowilen.

Kem Udél Hlalak Tehe Selumun 16:27

Yó kem tau laen dù gónó le e kól són mò le matul mò sidek ne yóm kudél le lómón ksideken yóm mluf bè ofi.

Kem Udél Hlalak Tehe Selumun 29:22

Són moen mit sbólów bè kem dumu tau yóm tau sunget ne yóm tau gel mahil lembut tey dê gónón gemsalà.

Kem Udél Hlalak Tehe Selumun 30:33

Lómón se yóm lefò kenlut gutahem élen bè kekmesem du ne yóm ilung ke ntungem, msut litóen. Senged se bè yóm kebut tau, ke gendufem yó uléken kesbólów.”