Kem Udél Hlalak Tehe Selumun 10:1 - Udél Dwata: Gna Kesfasad ne Lomi Kesfasad

¹ Ni kem ni bud kem udél hlalak tehe Selumun. Hegdóyónen maen yóm logi hulung hedem, okóm yóm logi book heblaten nawa yéen.

Kem Udél Hlalak Tehe Selumun 10:1 Referans Kwoze

Kem Udél Hlalak Tehe Selumun 1:1

Ni se yó kem udél hlalak tehe Selumun, yóm sotu tau hol geta bè Israél, ngà yóm tehe Dabid.

Kem Udél Hlalak Tehe Selumun 29:3

Yóm tau alì sen-galuhen yóm khulung hedem, hefligalen maen, okóm yóm tau dnumuhen yóm libun hdóyón tódô namaen hkawang yóm kendengenen.

Kem Udél Hlalak Tehe Selumun 17:25

Yóm logi book tey sidek klangag nawa maen du ne tey sidek se kegsel yéen du.

Kem Udél Hlalak Tehe Selumun 29:15

Lemwót bè kfes du ne kbólów du mit du hulung hedem yóm ngà, okóm ke tódô lugun du kun kóyô henyaken yéen.

Kem Udél Hlalak Tehe Selumun 15:20

Yó kem ngà hulung hedem hefligal le mà le, okóm yó kem ngà book hennê le yê le.

Kem Udél Hlalak Tehe Selumun 17:21

Yóm logi book tey sidek keblat nawa maen du ne yóm tau là sikof kehedemen là hefligalen ke maen.

Kem Udél Hlalak Tehe Selumun 19:13

Yóm logi book nmoen glumfak maen ne yóm libun tendo niten sgés tuha logihen lómón yóm tdak él tendo hfulów muni.

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.

Kem Udél Hlalak Tehe Selumun 25:1

Ni bud wen kem udél hlalak tehe Selumun, yóm tehe nulit snulat yó kem tau smugung bè yóm tehe Hisikaya yóm tau hol geta bè benwu Juda. Ni sii lu yó kem udél hlalak yó.

1 Bok Kem Tau Hol Geta 4:32

Wen tlu libu kem udél hlalak snulaten, ne lemibu bud limu kem sngal nmoen.

Kem Udél Hlalak Tehe Selumun 13:1

Yóm logi hulung hedem hnungolen yóm hlau maen du, okóm yóm tau sedekà là kóen hmungol bólów.

Kem Udél Hlalak Tehe Selumun 27:11

Ó Man, holi hfulung hedem ne hefligalem o anì wen se balau du kihu tau semlón do.

Kem Udél Hlalak Tehe Selumun 29:17

Sentódóem yóm ngaem logi anì temnù nawahem béléen ne tey wen he gónón hefligal kóm.