Kem Udél Hlalak Tehe Selumun 1:7 - Udél Dwata: Gna Kesfasad ne Lomi Kesfasad

⁷ Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Udél Hlalak Tehe Selumun 1:7 Referans Kwoze

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Kem Udél Hlalak Tehe Selumun 9:10

Yóm klikò te ke Dwata hol but yóm khulung te hedem. Ne yóm ketngón te yóm Dwata laen dù belenen yó uléken yóm khulung te temnef.

Kem Udél Hlalak Tehe Selumun 15:33

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

Kem Udél Hlalak Tehe Selumun 18:2

Yóm tau book laen dù kligalen du kun yóm khulung temnef, okóm són hnigal tulónen yóm kun kehedem.

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kem Udél Hlalak Tehe Selumun 15:5

Yóm tau book hennéen hlau kem tuhahen, okóm yóm tau hulung milô kenmónen yóm kbólów le du.

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Kem Udél Hlalak Tehe Selumun 2:5

Ke ni se yóm kmoem du, yó he kegetnefem du yóm klikò ke Dwata ne ktonem du yóm kesetngón ke Dwata.

Kem Udél Hlalak Tehe Selumun 15:32

Ke là kenmónem du yóm kehlau le kóm olom hmayam kóm knô, okóm ke kenmónem yóm kbólów le kóm gutahem yóm khulungem temnef.

Kem Udél Hlalak Tehe Selumun 23:9

Yóm tau book béem dog tolok du ne yóm hyu yakà mom sendekaen du yóm kóm khulung hedem.