Kem Udél Hlalak Tehe Selumun 1:4 - Udél Dwata: Gna Kesfasad ne Lomi Kesfasad

⁴ Ni kem ni, benlayen lu khulung milô yó kem tau là ngelem kehedem le ne yó kem lomi lemnok benlayen lu ketngón ne yóm khulung le mit du hyu yóm kul kmò.

Kem Udél Hlalak Tehe Selumun 1:4 Referans Kwoze

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Kem Lingón 119:9

Tedu nmoen du yóm logi lomi lemnok anì laen dù belenen yóm gel kmoen? Yó nmoen, nimónen yó kem hlauhem, Dwata.

Kem Udél Hlalak Tehe Selumun 8:32

Duhen ni kem ngà, hol hnungol ye o. Wen kligalen yóm tau mimón do.

Kem Udél Hlalak Tehe Selumun 8:12

Ou se yóm khulung hedem gónón gu yóm khulung tau milô. Bud ou se gónón gu yóm ketngón tau ne khulung tau mit du hyu yóm kun kmò.

Kem Lingón 119:130

Bè yóm ktolok le udélem, lómón ke layag. Balù yó kem tau laen dù tngón le, wen gwa le du.

Taytus 2:6

Dalang se bè yó kem sawang logi, hol le hfulung mafas nawa le.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Kem Udél Hlalak Tehe Selumun 3:21

Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.

Kem Lingón 34:11

Ó kem weu lomi lemnok, hol hnungol ye ou. Wen toloku kuy anì wen klikò ye ke Dwata.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Kem Lingón 116:6

yóm Dwata tendo kenlungen yóm tau laen dù gmoen. Bè yóm tehe deng klonihen béléu hatay, lenwaen o.

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’