Kem Udél Hlalak Tehe Selumun 1:26 - Udél Dwata: Gna Kesfasad ne Lomi Kesfasad

²⁶ Yó gónóm mon, kesok wen gbunù ye ou tles kmuli kuy ne sendekau yu ke sok gefet bélê ye yóm alì knikò ye.

Kem Udél Hlalak Tehe Selumun 1:26 Referans Kwoze

Kem Lingón 37:13

Okóm mom knuli Dwata lu, yó kem tau gel mò sidek, abay se tngónen móyón le meglà.

Kem Lingón 2:4

Bè yóm kungol Dwata du ditu bè yóm gónón myón kmamal bè longit yóm udél le yó, mom knulihen lu. Hennéen yóm atul le, atul laen dù olò gónón e mefet.

Kem Udél Hlalak Tehe Selumun 10:24

Sal gefet béléen yóm alì knikò yóm tau gel mò sidek, okóm yóm tau tedeng kmoen yóm kun hendeen tonen snéen.

Kun Snulat Luk 14:24

Tódô tulónu kuy,’ monen, ‘tu kem tau deng tehe tinoku, là kô gtob le du kul nim ken deng nmou ni.’ ”

Kem Udél Hlalak Tehe Selumun 6:15

Yó gónóm mon, wen glumfak mekto sut béléen ne laen kô bud gónón e mlo.

Dwata 28:63

Bè nim kmoen ni, tey kehyu nawa Dwata bè yóm bud kehguléken klowil ye ne bè yóm tey kehbólen kuy. Okóm lemwót bè yóm là kimón ye elem hulin kdaw, bud hyu se nawahen bè yóm angat ktafaken kuy ne bè yóm angat keglaen kuy. Angat gotu hlanahen yu ta yóm tonok móyón nfun ye ni.

Kem Lingón 59:8

Okóm, Dwata, mom knulihem lu. Mom knulihem yó kem tau bè yó kem benwu hmohon kum.

Kem Udél Hlalak Tehe Selumun 3:34

Hnohonen lu yó kem tau gel heklabak, okóm gel knoduhen yó kem tau heglaan le knô le.

Kem Udél Hlalak Tehe Selumun 12:8

Gel megdóyón yóm tau bè yóm kun khulung hedem, okóm yóm tau là temnù kehedemen són mò le semdekà du.

Kem Udél Hlalak Tehe Selumun 19:29

Deng wen tafak eles mangat kul yó kem tau semdekà ne yó kem tau book eles wen se bogul tgama kul.