Kem Udél Hlalak Tehe Selumun 1:23 - Udél Dwata: Gna Kesfasad ne Lomi Kesfasad

²³ Ke hnungol ye yóm kbólówu kuy gotu hetngónu kuy yóm dou hendem ne yóm dou ketngón.

Kem Udél Hlalak Tehe Selumun 1:23 Referans Kwoze

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Isaya 32:15

Bede angat bud hwit Dwata elem blóng tekuy yóm kun Tulus. Yó kem tonok là bud hyu mò hulu tahen, angat bud baling tonok hyu ne angat tey bong nuta le du.

Kul Nmò 26:20

Bè syudad Damaskus yóm hol tanay benwu gónóhu tmolok, ominu bud tmolok bè Jirusalim, efet lenngebu klamangen benwu yó kem tau Israél, ngangen ne efete tmolok lem blóng yó kem tau là Ju le. Yó gel monu bè yóm ktoloku, ‘Hegsel ye ne, ne nimón ye Dwata. Hdilô ye bè kmò ye yóm deng kehegsel ye.’

Kun Snulat Luk 11:13

Balù se yóm kuy là kgulit,” mon Jisas, “ewenem sana khulung ye bemlay kem ngà ye yóm hyu bélê le. Milud he yóm Mà tekuy bè longit ke hni ye béléen yóm kun Tulus, tódô blayen kuy.”

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Kem Udél Hlalak Tehe Selumun 12:1

Yóm tau móyô hnau nóyóen yóm ketngón, okóm yóm tau kenbéen yóm kbólów du, book.

Isaya 45:8

Angat hewótu bè longit yóm kegmoem, hol lómón ke kulón lemwót bè longit gdek ete tonok ne là se kô gekbê tonok du, ngangen ne tmowok huluhen. Yó huluhen, duhen yóm tilob kwitem yó kem tau ne yóm ktedeng kogotem kukum lem blóng le. Ou se Dwata angat dmohò du ni kem ni.”

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Udél Hlalak Tehe Selumun 10:17

Tahà ktauhen yóm tau kenmónen yóm kehlau le du, okóm yóm tau kenbéen yóm kehlau le du htabagen knóen.

Kem Lingón 145:1

Angat gel heglalagu yóm tey kegetahem, Dwata, yakà uu du yóm dou Dwata ne yóm dou gónó kmulu. Laen kô dù sónen yóm keslamatu béléem.

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Jirimaya 3:14

“Ó kem tau là mimón, semfulék ye ebéléu ne. Ou se mfun kuy. Angat bud nwitu yu semfulék ebè yóm kuy benwu Israél lemwót gu bè yóm kdê benwu deng gónóhu e semkla kuy, sotu bélê ye angat lemwót bè yóó ne lewu se angat lemwót bè yóm benwu tuu.

Kem Udél Hlalak Tehe Selumun 1:30

Là móyô ye htolok ne là se kenmón ye du yóm dou kbólów kuy.

Kem Udél Hlalak Tehe Selumun 6:23

Yóm kul hlau lómón ke solok alì mtataw nóngen ne yóm kul kestódô kóm toloken kóm yóm klowil hyu.

Kem Udél Hlalak Tehe Selumun 1:25

Ne mom knogol ye yóm dou hlau ne là se kô ye móyô htolok.

Kun Snulat Jan 7:39

Yóm él mon Jisas ni, hnigaden yóm Tulus Dwata angat blay Dwata bè yó kem tau hemtahu béléen. Bè yóm kmon Jisas du yóm yó, là deng blay Dwata du he, abay se là dengen mulék ebè longit Jisas.

Juwél 2:27

Bè yó ne gónó ye angat temngón du yóm tendo knóu bélê ye kem dou tau Israél, tek són ou yóm sana kuy Dwata hol gónó mogot. Laen dù bud gónó le myak ne yó kem dou tau elem hulin kdaw lómón yóm gfà le ni.”

Juwél 3:1

Yó udél Dwata, monen, “Bè yóm kdaw yó, yóm kdaw bud kehguléku klowil yó kem tau bè Juda ne bè Jirusalim,