Kem Udél Hlalak Tehe Selumun 1:22 - Udél Dwata: Gna Kesfasad ne Lomi Kesfasad

²² Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Kem Udél Hlalak Tehe Selumun 1:22 Referans Kwoze

Kem Udél Hlalak Tehe Selumun 5:12

Mom yó he kmonem du, “Yake tehehe móyô hnau ne yake tehe nimónu yóm kul gel kbólów dou.

Kem Udél Hlalak Tehe Selumun 1:29

Yakà yó duónen, laen dù óyô ye du yóm dou ketngón ne mom kenbê ye madat ke Dwata.

Kem Lingón 1:1

Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

2 Pitér 3:3

Ni hol tanay hegtulónu bè nawa ye. Ke móyón moni yóm hol són kdaw, wen tau sut lem blóng ye són lolò le kul knóyô lówó. Hnowon le yu,

Kun Snulat Jan 3:20

Yóm tau gel mò sidek, tey kenbéen yóm layag, là kóen móyô hloni edu, abay se là móyóen ke gfan yóm ksidek nmoen.

Kun Snulat Luk 19:42

yó monen, “Kamà ke yóm tngón ye yóm lan ye bud mit sefyu ebè Dwata, balù ni hem kemdaw ni ke tnana ye. Okóm là kô glileb ye du.

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Kem Udél Hlalak Tehe Selumun 21:11

Sok megtafak yóm tau gel semdekà bè yó he gónón baling hulung hedem yóm tau là ngelem kehedemen. Ne ke hnauhem yóm tau hulung hedem mom temnù ketngónen.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Kem Udél Hlalak Tehe Selumun 19:29

Deng wen tafak eles mangat kul yó kem tau semdekà ne yó kem tau book eles wen se bogul tgama kul.

Kem Udél Hlalak Tehe Selumun 15:12

Yóm tau gel semdekà là kóen móyô bnólów ne là se kóen halak bè yóm tau hulung hedem.

Kem Udél Hlalak Tehe Selumun 14:6

Yóm tau gel semdekà gel hnebelen yóm khulung hedem, okóm laen dù tonen, okóm kun yóm tau hulung temnef, mahil wen tngónen.

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Udél Hlalak Tehe Selumun 7:7

Tódô tonu se yó kem là ngelem kehedem le duhen yó kem logi lomi lemnok ne wen sotu bélê le yóm laen dù ledemen.

Kem Udél Hlalak Tehe Selumun 6:9

Ó tau lemfu, mò kegenen de yóm ktungóem? Kilón de kebtikem?

Kem Udél Hlalak Tehe Selumun 3:34

Hnohonen lu yó kem tau gel heklabak, okóm gel knoduhen yó kem tau heglaan le knô le.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Udél Hlalak Tehe Selumun 1:4

Ni kem ni, benlayen lu khulung milô yó kem tau là ngelem kehedem le ne yó kem lomi lemnok benlayen lu ketngón ne yóm khulung le mit du hyu yóm kul kmò.

Kem Lingón 94:8

Ten-gama ye, yu kem tau nungel. Kilón de kbaling ye tau hulung hedem?

Lista 14:27

“Deng tódô senflós le tendo msel do ni kem tau gel mò sidek ni. Denge tmakas hmungol du yóm tendo ksel le do yó.

Kehewà 16:28

Ne yó mon Dwata mò ke Musis, “Tey kegen le là mimón du yó kem hlolou kul yó kem tau Israél.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kem Udél Hlalak Tehe Selumun 1:21

Hgelen tabahen ebè yó kem gónón alì wen tau hebnes ne balù kihu gónó le gel stifun kmukum yó kem tau.

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Kem Udél Hlalak Tehe Selumun 21:24

Sedekà boluy du yóm tau heklabak ne hton salù ne yóm alì sidek keheklabaken bè ket nmoen.

Kem Udél Hlalak Tehe Selumun 22:3

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.