Kem Udél Hlalak Tehe Selumun 1:20 - Udél Dwata: Gna Kesfasad ne Lomi Kesfasad

²⁰ Yóm khulung hedem lómón ke tau tendo tmaba ebè yó kem gónón alì wen tau bè kem lan ne bè yó kem gónô slong abay se móyô ke wen tau hmungol udélen.

Kem Udél Hlalak Tehe Selumun 1:20 Referans Kwoze

Kem Udél Hlalak Tehe Selumun 9:3

Deng dóken yó kem libun tóbóng lówóhen mò na a fen tmaba bè yóm gónón mfatu bè benwu bong.

Kulasi 2:3

Du se henged kunsì mò lemungkà du yóm tey hyu deng fan Dwata tekuy lemwót bè yóm tey khulungen hedem ne yóm tey ketngónen.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

Kun Snulat Luk 11:49

Yó gónóm mon, lemwót bè yóm deng eles ketngón Dwata yóm nmò ye, yó gónóm mon, ‘Angat wen kem tau tugodu ebélê le, ne wen se kem dumu tau hógówu elem blóng le mò mit yóm dou tulón. Wen se angat hnatay le, ne wen se angat hnayam le.’

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Matyu 13:54

Yóm kkólen bè yó, tódô na a tmolok bè yóm gónó le gel stifun yó kem Ju. Ya tey ketnga le du yó kem tau hmungol du, mon le, “Gónón ma du ketngónen tmolok nim tau ni? Ne gónón lemwót yóm ktulusen mò du yó kem hentaw ton gel nmoen?

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Kem Udél Hlalak Tehe Selumun 1:21

Hgelen tabahen ebè yó kem gónón alì wen tau hebnes ne balù kihu gónó le gel stifun kmukum yó kem tau.

Jirimaya 19:2

Mógów ye etu bè Datal Ben Hinom, mlan ye bè yóm Bak Tikeb Kébéng. Bè yó gónóm tmulón du kul yóm tulónu kóm.

Kem Udél Hlalak Tehe Selumun 9:1

Yóm khulung hedem lómón ke tau hemdà gónô ne hitu heheken du.