Kem Udél Hlalak Tehe Selumun 1:2 - Udél Dwata: Gna Kesfasad ne Lomi Kesfasad

² Ni kem udél hlalak ni mò hetngón du kut yóm khulung hedem lemwót bè Dwata ne kem hlau hyu anì getnef te yó kem udél wen hnigaden.

Kem Udél Hlalak Tehe Selumun 1:2 Referans Kwoze

Kem Udél Hlalak Tehe Selumun 7:4

Yóm kehyu nawam ebè yóm hol dumum setwoli, yake lómón yó snéen yóm kehyu nawam ebè yóm khulung hedem ne lómón ke hol weem yóm khulung temnef.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Udél Hlalak Tehe Selumun 16:16

Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.

Kem Udél Hlalak Tehe Selumun 4:1

Ó kem ngà, hol hnungol ye yó kem tolok mà ye. Hol kenmón ye ne baling ye hulung temnef.

Kem Udél Hlalak Tehe Selumun 15:33

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

Kem Udél Hlalak Tehe Selumun 2:9

Ominem yó he gemtnef du yóm tedeng ne yóm ktedeng kmoem ebè kem dumum ne yóm là keskihuhen ne tódô tngónem se yóm hyu.

Kem Udél Hlalak Tehe Selumun 8:33

Hol hnungol ye yóm gel toloku kuy ne hfulung ye hedem ne hol bê ye kenbê.

Kem Udél Hlalak Tehe Selumun 19:20

Hnungolem yóm kehlau le kóm ne henmóyóem yóm kestódô le kóm anì hulungi hedem.