Kem Udél Hlalak Tehe Selumun 1:19 - Udél Dwata: Gna Kesfasad ne Lomi Kesfasad

¹⁹ Lómón se ni gónó le e kól yó kem tau ma kimu mlan bè hugus. Ne bud bè yóm khugus le kimu gónó le matay.

Kem Udél Hlalak Tehe Selumun 1:19 Referans Kwoze

Kem Udél Hlalak Tehe Selumun 15:27

Yóm tau seglom hnayamen kem fes lówóhen, okóm yóm tau kenbéen yóm filak mò wa nawahen htahaen ktauhen.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Hbakuk 2:9

Hatay ye se kuy kem tau wen kendengenen mlan bè là ktedengen. Ofo kuy mon du ke lemwót bè kendengen ye gónón wen kenek kbenwu ye, lel ye hlayuk yó kem fes lówó ye bè yóm gónón wen gfà.

1 Timuti 3:3

là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

Job 31:39

duhen ke deng kenu yóm hulu tmowok tahen ne là benlihu du ne ke deng hnatayu yó kem tau mfun du,

Kem Udél Hlalak Tehe Selumun 1:20

Yóm khulung hedem lómón ke tau tendo tmaba ebè yó kem gónón alì wen tau bè kem lan ne bè yó kem gónô slong abay se móyô ke wen tau hmungol udélen.

Juswa 7:21

Bè yóm tehe kegbà me yóm syudad Jiriku wen sotu tey nes tilob tonu lemwót bè Babilun. Bud wen tonu dô lewu kilu blówón bukay ne sekleng tahu blówónen, wen dô sóól kilu keblaten. Bè yóm ktonu du tey óyóu du, ne tódô nwahu. Ne ditu gónóhu lembeng du lem toldahu, hol fi laan yóm blówón bukay.”

Juswa 7:25

Yó udél Juswa ebè Akan, monen, “Moen de ke nwitem elem blóng tekuy nim tey gfà bong ni? Ne ni, wen tey hegfà Dwata kóm.” Duhen yó, tódô hnatay sentudà le botu Akan yó kem tau, homong le yó kem fes lówóhen ne gotu hkekeb dnutung le lu gomong yóm kdê nfun le.

Kem Lingón 7:16

Bud mulék eta le yóm sidek tô nmò le bè dumu tau. Natul le hemsidek dumu tau, okóm bud mulék eta le.

Kem Udél Hlalak Tehe Selumun 29:24

Yóm tau momung ne lemimeng yóm tau mnagaw igoen temngón du megtuled du, hensideken knóen.