Kem Udél Hlalak Tehe Selumun 1:15 - Udél Dwata: Gna Kesfasad ne Lomi Kesfasad

¹⁵ Ó Man hol béi abay mung kul ni kem tau lómón ni ne holi hlayuk bélê le.

Kem Udél Hlalak Tehe Selumun 1:15 Referans Kwoze

Kem Lingón 119:101

Elese gel temgama anì là lolou du yóm lan mit do elem sidek, abay se móyóe mimón du yó kem udélem.

Kem Lingón 1:1

Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

Kem Udél Hlalak Tehe Selumun 4:27

Hol henktengem lemolò du yóm lan tedeng ne hol senyahem yó kem nmò sidek.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Udél Hlalak Tehe Selumun 5:8

Holi hlayuk béléen yóm libun lómón ni ne hol béi abay hloni ebè gónóen.

Jirimaya 14:10

Yó udél Dwata gbak ebè yó kem tauhen, monen, “Tey kóyô le du yóm kehlayuk le béléu ne là bud lolò le du yóm dou lan. Yó gónóm mon, là kô bud henmóyóu kul mò dou tau. Gtulón nawaw yóm kdê sidek deng gel nmò le, naw na tnafak lu bè yó kem salà le yó.”

Kem Udél Hlalak Tehe Selumun 9:6

Kó ye yóm là kngelem kehedem ye anì tahà ktau ye ne lolò ye kmò klan yóm khulung temnef.” Ni se koni yó kem udél yóm khulung hedem.

Kem Udél Hlalak Tehe Selumun 1:14

Géhéli ne mungi kum. Tódô senged se kólól tekuy du yó kem kimu negef tekuy.”

Kem Udél Hlalak Tehe Selumun 24:1

Béem hendémê yóm kul kmò klowil yó kem tau gel mò sidek ne béi se tô mit swè bélê le.

Kem Udél Hlalak Tehe Selumun 3:31

Béem hendémê kul kmò yó kem tau gel hmugus ne béen wen dnalangem du yóm kul kmò.

Isaya 33:15

Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le.