Kem Udél Hlalak Tehe Selumun 1:13 - Udél Dwata: Gna Kesfasad ne Lomi Kesfasad

¹³ Ke deng le matay gotu negef tekuy yó kem kimu mebtes le anì wen kimu lem gónô tekuy.

Kem Udél Hlalak Tehe Selumun 1:13 Referans Kwoze

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

Hagay 2:9

Nim lomi Gónóu ni, angat tey knóón senta yóm gnan. Lemwót bè yóm bud kehdà ye du, yó se gónón lemwót yóm keblayu kuy kehyu klowil ne kenek kbenwu.” Ni se udél yóm Dwata laen dù là gbeken du, yóm Dwata hol gónó mogot.

Nahum 2:12

Yó nmò yóm liyun logi, gotu nséken yó kem kenfóen mò hkenen yóm liyun libun ne yó kem ngaen. Yóm gónó le nô, tódô hnok yóm deng nséken. Nô se yóm benwu yó nim kmoen ni?

Kem Udél Hlalak Tehe Selumun 1:19

Lómón se ni gónó le e kól yó kem tau ma kimu mlan bè hugus. Ne bud bè yóm khugus le kimu gónó le matay.

Kem Udél Hlalak Tehe Selumun 1:12

Na tekuy e kento hmatay kul, bê tekuy nmò mowil bélê le.

Kem Udél Hlalak Tehe Selumun 1:14

Géhéli ne mungi kum. Tódô senged se kólól tekuy du yó kem kimu negef tekuy.”

Kem Udél Hlalak Tehe Selumun 16:19

Mom hyu he yóm tau glaan ne élél senta yóm tau hegmón gbót mólól yó kem guta le mlan bè là ktedengen.

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”

Amus 3:10

Yó udél Dwata, monen, “Ni kem dou tau ni, là hulung le mò du yóm tedeng. Deng tódô hennok le yóm gónô bong yóm kimu hennagaw le ne hnugus le.