Kem Udél Hlalak Tehe Selumun 1:1 - Udél Dwata: Gna Kesfasad ne Lomi Kesfasad

¹ Ni se yó kem udél hlalak tehe Selumun, yóm sotu tau hol geta bè Israél, ngà yóm tehe Dabid.

Kem Udél Hlalak Tehe Selumun 1:1 Referans Kwoze

Kem Udél Hlalak Tehe Selumun 10:1

Ni kem ni bud kem udél hlalak tehe Selumun. Hegdóyónen maen yóm logi hulung hedem, okóm yóm logi book heblaten nawa yéen.

1 Tutul Israél 22:9

Okóm angat wen ngaem logi, ne tey menek klowilen. Benlayu kenek kebenwu, laen dù hohonen hmilol mundug du. Yó boluyem du Selumun, ne bè yóm igoen mogot yóm benwu Israél, tey menek kebenwu le yó kem tau.

Kem Udél Hlalak Tehe Selumun 25:1

Ni bud wen kem udél hlalak tehe Selumun, yóm tehe nulit snulat yó kem tau smugung bè yóm tehe Hisikaya yóm tau hol geta bè benwu Juda. Ni sii lu yó kem udél hlalak yó.

1 Tutul Israél 28:5

Ne bè kdê yó kem tey ngà logi deng blay Dwata dou, nélék Dwata Selumun mò tles myón kmamal bè yó kem kun tau Israél.

1 Bok Kem Tau Hol Geta 2:12

Yó bud temles yóm kegetahen, duhen yóm ngaen Selumun, ne tey mbegel yóm kogot Selumun benwu.

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.

1 Tutul Israél 29:28

Slong matay deng tey tuha, tey wen kendengenen, lelen tey wen tau madat du. Yóm ngaen Selumun bud tles mogot benwu.

Kun Snulat Jan 16:25

Ne yó bud mon Jisas mò yó kem gel lemolò du, monen, “Ni kem tulónu kuy ni, sal gel hningónu. Okóm angat wen kdawen, là kô bud hningónu du yó kem toloku kuy. Tódô benkasu bélê ye yóm tulón lemwót gu bè Mà.

1 Bok Kem Tau Hol Geta 5:12

Tey khulung hedem yóm blay Dwata ke Selumun, lómón yóm deng fasad Dwata du. Ne lemwót Selumun lewu le Hiram, sbilà le anì menek kbenwu le.

1 Tutul Israél 29:23

Duhen yó, Selumun tles myón bè yóm bangkù gónón myón kmamal maen. Tey kehyu klowilen, ne tey kimón le du yóm kdê tau Israél.

Kem Udél Hlalak Tehe Selumun 22:21

mò hetngón du kóm yóm ktahuhen anì gbekem bud tmulón du bè yóm tau mdók kóm, yóm tahu duhen.