Nihimaya 9:8 - Udél Dwata: Gna Kesfasad ne Lomi Kesfasad

⁸ Bè yóm deng ktonem yóm tey kteneben béléem, yó gónón wen senfasad ye. Yó fasadem du, blayem du yóm kul tonok yó kem tau Kanan ne yóm tonok yó kem tau Hitayt ne tau Amurayt ne tau Pirisayt ne tau Jibusayt ne tau Girgasayt. Yóm tonok fasadem du ni mò gónó le menwu yó kem angat semfu gu béléen. Ne là kô klifótem du yóm deng fasadem du yó abay se là kóen mili nawahem.

Nihimaya 9:8 Referans Kwoze

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Tekang Kbuten 15:6

Tódô hentahu Abram yóm mon Dwata mò du yó. Ne lemwót bè yóm kehtahuhen du yóm udél Dwata, yó gónón tedeng kton Dwata du.

Juswa 23:14

Ni deng bangu mfu lem blóng ye. Yóm ket kuy na sotu tódô gnóm ye lemwót lem but blutut ye yóm deng keblay Dwata du kuy yóm kdéen hyu deng tehe fasaden kuy. Ket fasaden kuy sal dohò.

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

Hibru 11:17

Lemwót bè kehtahu Abraham gónón tódô demsù ke Isak, yóm ngaen, bè yóm tehe ktilów Dwata du. Balù yóm deng kwen fasad Dwata du mlan bè yóm ngaen yó, tódô nimónen se yóm dók Dwata du, tódô kem tô hnatayen yóm hol són ngaen mò dsuen ebè Dwata.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Kul Nmò 13:22

Timbow kó Dwata Sol, tlesen du Dabid mò tau hol geta bélê le. Wen tulón Dwata gbak ebè Dabid, yó monen, ‘Nim Dabid ngà Jisi ni, tey hyu nawahu ebéléen. Angat gotu nmoen yóm kdê hmou du.’

Juswa 9:1

Yóm gel kegmò yó kem tau Israél tey glalag bè yó kem hohon le, botong gefet bè yóm kdê tau hol geta nô fi desdef Él Jurdan. Lu se yó kem tau hol geta bè yó kem tau Hitayt ne bè tau Amurayt ne bè tau Kanan ne bè tau Pirisayt ne bè tau Hibayt ne bè tau Jibusayt. Ni kem tau ni, wen se bélê le nô lem bulul ne wen se bélê le nô gu lem but henfek ne wen se nô hilol Mohin Miditiranyan efet kól ditu senbwak Bulul Libanun.

Dwata 26:3

Mógów ye ebè yóm tau gel blóng ye ebè Dwata tolo mò nmò bè yó bè yóm kdaw yó ne mon ye mò du, ‘Nim nwitu ni mò gónów hetngón du bè yóm sana do Dwata hol gónó mogot, yóm deng kkólu ta yóm tonok tehe fasaden yó kem tehe fù tekuy mò blayen kut.’

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

Dwata 7:1

Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Kem Lingón 116:5

Tey kmodu yóm gónó tekuy mogot, ne tey kehyuhen. Tey kkoduhen tau yóm Dwata tekuy

Lista 13:29

Bè fi leged bè yóm benwu yó, wen yó kem tau Amalikayt nô du. Bè yó kem bululen, yó menwu du yó kem tau Hitayt ne yó kem tau Jibusayt ne yó kem tau Amurayt. Lemwót kul yó kem tau Kanan, nô le bè kilil mohin Miditiranyan ne hilol él Jurdan.”

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

2 Samwél 22:31

Yóm kun klan Dwata, hono tedeng. Sal dohò ke wen fasaden. Dwata se klung yó kem tau gel hofin béléen.

1 Tutul Israél 16:16

Ni se yóm deng tehe senfasad le Abraham, ne bud yó se fasaden ke Isak snéen yóm ngà Abraham.

Nihimaya 9:33

Laen kô gónón sidek yóm ktafakem kum, Dwata. Là kóen monol yóm nawahem ebélê me, balù yóm deng kmò me du yóm kenbéem.

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’