Nihimaya 9:7 - Udél Dwata: Gna Kesfasad ne Lomi Kesfasad

⁷ Uu se yóm Dwata hol gónó me mogot tehe mélék ke Abram ne nwitem gu bè syudad Ur, yóm syudad glem lem Babilun ne deng tles boluyem du Abraham.

Nihimaya 9:7 Referans Kwoze

Tekang Kbuten 17:5

Là bud Abram du ne boluyem. Yó tles boluyu kóm Abraham abay se uu gónó le menmà yó kem tey dê but tau talak tonok.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Dwata 10:15

Balù yóm tey kegeta Dwata ewenem yó, kem kuy fù he yóm kenbong nawahen. Ne yu se yó kem tau semfu gu bélê le deng néléken yu senta yóm kdéen tau nô talak tonok. Yu se yó kem tau deng néléken efet ni.

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”