Nihimaya 9:6 - Udél Dwata: Gna Kesfasad ne Lomi Kesfasad

⁶ Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Nihimaya 9:6 Referans Kwoze

Isaya 37:16

“Ó Dwata yóm Dwata laen dù là gbeken du, yóm hol kum gónó mogot kem tau Israél, yóm myón bè yóm gónóm kmamal geta senta yó kem gel hógówem nô bè yó. Tek sónen uu yóm Dwata. Gotu knamalem yóm klamangen. Uu se tehe dmimun tonok ne longit.

Tekang Kbuten 1:1

Bè yóm hol tekang kbuten, dlimun Dwata longit ne tonok.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Dwata 10:14

Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

Dwata 6:4

Ó kem tau Israél, ni mò hol sù ye bè nawa ye. Yóm Dwata hol gónó mogot, tek són du yóm kut Dwata.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

2 Bok Kem Tau Hol Geta 19:15

Mni ebè Dwata Hisikaya, monen, “Ó Dwata yóm Dwata yó kem tau Israél, yóm myón kmamal lem blóng yó kem hógówem boluyen sirubim. Tek són uu se yóm Dwata mogot yó kem kdéen benwu talak tonok. Tek són uu se tehe mò longit ne tonok.

Tekang Kbuten 2:1

Duhen yó, deng gotu deng ne kedlimun Dwata du yóm longit ne yóm tonok ne yóm kdéen ton ta le.

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

Deng Hegfan 14:7

Tódô hgelen udélen, monen, “Hol nadat ye Dwata. Hol sendóyón ye dé yóm tey kegetahen. Deng hto ne yóm butengen kmukum kem tau. Hol dóyón ye se yóm Dwata deng tehe mò yóm longit ne yóm tonok ne yóm mohin kkólen bè yóm kdéen él tembul.”

Kem Lingón 36:6

Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

Hibru 1:6

Ne bè yóm tehe khógów Dwata yóm Ngaen elem benwu, yó udélen, monen, “Yake hol gel dóyón yó kem gel hógówu gu bè longit.”

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

2 Bok Kem Tau Hol Geta 19:19

Duhen ni, Dwata yóm sana kum Dwata hol gónó mogot, mnihe béléem, hol lenwaem mi lem hólól yóm tau hol geta bè Asirya anì yó, gotu tngón yó kem kdéen benwu nogot tau talak tonok, tek sónen uu se Dwata yóm hol gónó mogot.”

Kem Lingón 146:6

Du se yóm Dwata tehe mò longit ne tonok ne mohin ne kdéen ton. Sal dnohoen yó kem deng fasaden.

Kem Lingón 103:21

Hol dóyón ye Dwata se kuy, yu kem mfasang nô bè longit. Yu se yó kem tóbóng lówóhen tendo gel mò du yóm kun kóyô.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Kun Snulat Jan 10:30

Tódô me ssotu Mà.”

Tekang Kbuten 32:2

Bè yóm kton Jakub kul, botong monen, “Deng bè ni gónóhen kmamfù Dwata.” Ne yó gónóhen moluy du Mahanaim yóm benwu yó.

Kul Nmò 4:24

Timbow deng gungol yó kem tau hemtahu, omin le gotu mni bè Dwata, mon le, “Ó Dwata, uu se tehe dmimun yóm longit ne tonok ne mohin ne kdéen ton.

Nihimaya 9:5

Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

Kem Lingón 24:10

Tau du de yóm hol dandónen geta yó? Du se yóm Dwata laen dù gónón là gemmò bè yó kem hohonen. Du se yóm hol dandónen geta.

Kem Lingón 102:25

Tehe là sekna ekni, hdaem begel tonok, ne lan tdokem mò yóm longit.

Kem Lingón 115:15

Dwata he hol tmóbóng kuy. Yóm Dwata tehe mò longit ne tonok.

Isaya 45:12

Ou se deng tehe dmimun du yóm klamangen benwu ne deng nmou yó kem tau nô tahen. Lemwót bè kfasangu gónóhu hnal yó kem longit seglafin. Ou se mogot du yóm kdaw ne yóm bulón ne yó kem blotik.

Juna 1:9

Bnalà Juna lu, monen, “Tauhe Hibru se do. Yó do gónó hemtahu bè yóm Dwata nô bè longit. Du se tehe dmimun tonok ne mohin.”

Tekang Kbuten 1:9

Ne yó bud mon Dwata, “Na gotu senbusung lu dé yóm kdéen él nô laan longit anì gfan yóm tonok.” Tahu se, tódô uliten du.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kem Lingón 124:8

Tek són Dwata yóm tmóbóng tekuy yóm Dwata tehe mò longit ne tonok.

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.