Nihimaya 9:5 - Udél Dwata: Gna Kesfasad ne Lomi Kesfasad

⁵ Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

Nihimaya 9:5 Referans Kwoze

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Isra 3:11

Sngal le yóm sngal dmóyón ke Dwata, bud gel sensulit le yóm korosen, mon le, “Tey hyu yóm Dwata. Yóm kbong nawan yó kem tau Israél, laen kô dù nan e són.” Tódô kdê le gotu hemsag dmóyón ke Dwata, abay se deng gotu deng kmò le du begel yóm Gónô Dwata hdà le.

1 Tutul Israél 29:13

Duhen ni, uu se Dwata me, slamat me béléem, ne dóyón me yóm tey klinggel boluyem.

Kem Lingón 146:2

Klawihu mowil tendo dóyónu Dwata. Ne tendohe gel semngal ebéléen efet kukol towoku.

Kem Lingón 145:5

Angat sentulón le yóm tey klinggelem ne yóm tey kegetahem. Ne sónmou gel hemdem du se dou yóm tey tennga deng nmoem bélê me.

Kem Lingón 145:2

Ket kdawu slamat béléem, Dwata. Laen kô dù sónen yóm kdóyónu kóm.

Kem Lingón 134:1

Hol dóyón ye Dwata, yu kem tau tóbóng lówóhen, yu kem tau gel mentey bè gónô Dwata ke kifu.

Kem Lingón 106:2

Tau du se gembek tmulón du yó kem hentaw ton gel nmò Dwata? Tau du se gembek hol dmóyón du?

Kem Lingón 16:2

Yó monu mò ke Dwata, “Uu se yóm Dwata gónóhu mogot. Hono lemwót béléem yóm kdéen hyu nô béléu.”

2 Tutul Israél 20:19

Omin le mdà yó kem sfu Libay tbong Kuhat ne Kura, dóyón le Dwata yóm Dwata yó kem tau Israél, mung du yóm tey hensag le.

2 Tutul Israél 20:13

Yóm igò le mdà bè solu Dwata yó kem logi bè Juda mung kul yó kem yehen le ne kem ngà le ne kem ngà hanà udì le,

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

1 Tutul Israél 29:11

Uu se, Dwata, yóm hol geta, laen dù là gbekem du. Bud uu se yóm alì knóón, yóm gel gemmò bè kem hmohon kóm. Uu se yóm hol dandónen geta. Yóm kdê nô bè longit ne te tonok hono kóm funen, Dwata. Uu se kmamal yóm klamangen. Bud uu se yóm hol dandónen geta senta yóm kdéen.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

1 Bok Kem Tau Hol Geta 8:22

Bè yó bè solu yóm kdê tau Israél, mógów ebè yóm gónó gel demsù Selumun ne mdà bè yó, hdaen eta sigelen,

1 Bok Kem Tau Hol Geta 8:14

Omin Selumun beklil ebè yó kem tau Israél mdà bè yó bè soluhen, ne mni bélê le bè Dwata. Yó monen,

Dwata 28:58

Ke là hteneb ye mimón du yóm kdê hlau Dwata kuy deng snulat bè nim bok ni, ne ke là knikò ye du yóm tey klinggel yóm kun boluy Dwata, yóm boluy bang gónó likò, yóm boluy yóm sana kuy Dwata hol gónó mogot,

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Kehewà 15:6

Yóm sigel kwananem, Dwata, tey knikò yóm kgisen, gotu genlaen yó kem hohonem.

1 Bok Kem Tau Hol Geta 8:15

“Hol dóyón tekuy Dwata, yóm kum Dwata kem tau Israél. Deng dnohoen yóm tehe fasaden ke mau Dabid bè yóm tehe kmonen du mò du,

Nihimaya 9:4

Wen seel geta gónó le mdà yó kem sfu Libay, le Jéswa ne Bani ne Kadmiyél ne Sibaniya ne Buni ne Siribiya ne yóm sotu Bani ne Kinani. Hgel le udél le mni bè yóm sana kul Dwata hol gónó mogot.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Kmukum 13:18

Ne yó balaen du yóm hógów Dwata yó, monen, “Moen du ke snólókem boluyu? Baluen ke tulónu kuy, là kô glileb ye du.”

1 Tutul Israél 16:36

Hol dóyón tekuy Dwata yóm Dwata yó kem tau Israél. Laen kô dù tul sónen yóm kdóyón tekuy du. Omin le gotu mensag yóm kdéen tau, mon le, “Tahu se.” Ne gotu dóyón le Dwata yóm kdê le.

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

Kem Lingón 66:2

Sngal ye yóm tey keklóón yóm kun boluy. Tulón ye bè klamangen benwu yóm tey kun keklóón.

Kem Lingón 99:3

Hol dóyón le yóm tey kegetahen ne tey kehtaw le du yóm kóm boluy. Laen dù belenen yóm kóm boluy.

Danyél 2:20

monen, “Bê tekuy abay lensón yóm kdóyón tekuy du yóm boluy Dwata, yakà són béléen gónón lemwót yóm khulung hedem ne yóm kfasang.