Nihimaya 9:37 - Udél Dwata: Gna Kesfasad ne Lomi Kesfasad

³⁷ Yó kem tey nuta me gotu mógów ebè yó kem tau hol geta mogot kum abay se monem, gel nmò me yóm kenbéem. Tódô nmò le bélê me yóm kul kóyô dalang se bè yó kem ógóf me ne ni, tey sidek keglayam me.

Nihimaya 9:37 Referans Kwoze

Dwata 28:33

Angat gotu nwa yó kem tólóng tau yó kem hulu alì leniteg ye, laen dù guta ye se kuy. Mom hen-gnok le yu ne hensidek le yu.

Dwata 28:48

Ne yó gónóm mon, angat ye nô lem hólól yó kem hohon hwit Dwata ebélê ye. Laen kô dù bud ken ye ne laen kô dù bud ninum ye ne laen se dù bud nes ye. Angat lus Dwata yó kem hohon ye mò hemsidek kuy efet ye gotu meglà.

Isra 7:24

Hol bê ye se abay ma bwis bè yó kem tau gel blóng ebè Dwata ne bè yó kem sfu Libay ne bè yó kem tau gel semngal lem Gónô Dwata ne bè yó kem gel mentey bè yó ne bè yó kem tau gel mò nmò bè yó lemen, dalang se yó kem dumu tau wen gel nmò le bè Gónô Dwata, hol bê ye abay ma bwis bélê le.

Kun Snulat Jan 8:33

Bnalà le Jisas yó kem dumu tau bè yó, mon le, “Semfu me gu bè Abraham se kum, là kô me kesfu hesek. Tedu se lanem mon du yó dum monem, ‘Angat ye gewà bè yóm gónó ye ghesek?’ ”

Isra 6:8

Ni mò hol hlauhu kuy, hol tnóbóng ye lu bè yóm bud kehdà le du yóm Gónô Dwata yó. Yó kem deng gamà le, gotu bnayad ye lemwót bè yó kem bwis yó kem dou tau nô fi desdef Él Yufratis anì henlel yó kem Ju mò du yóm nmò le.

Dwata 28:51

Yó nmò yó kem sendalù le, angat gotu tnétê le yó kem ógóf ye ne gotu ken le yó kem hulu ye ne fen ye gotu matay lemnus yó dum kuy. Laen kô dù hulu tebel le bélê ye ne laen se dù tifas grép tebel le ne laen se dù hnolo uliben. Yó kem ngà safì ye ne kem ngà ubiha ye, laen kô dù tebel le bélê ye efet ye gotu matay lemnus.

Dwata 28:39

Yó kem grép angat hulu ye tey kesgifà ye kul, okóm laen kô dù bungu nuta ye ne laen se kô dù tifas nmò ye mò gel ninum ye, abay se gotu ken kuled yó kem lefaen.