Nihimaya 9:34 - Udél Dwata: Gna Kesfasad ne Lomi Kesfasad

³⁴ Yó kem fù me ne yó kem tau hol geta bélê me ne yó kem gónó me galak ne yó kem tau gel blóng me ebéléem, tódô kdê le gotu mulé du yóm hlauhem. Là kô kenmón le du yó kem hlauhem ne yó kem eles gel hetgamahem kul.

Nihimaya 9:34 Referans Kwoze

Jirimaya 29:19

Yó gónón lómón yó kmou kul, abay se là kô hnungol le dou balù yóm tendo kessulitu mudél ebélê le hlanu bè yó kem tugodu. Ne balù yu, yó kem tau negef le ebè benwu mayuk, là kô hnungol ye dou snéen,’ ” mon Dwata.

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”

Dwata 31:21

Lemwót bè yóm deng kulé le do, tey dê gfà sidek sut bélê le. Ne nim lingón ni mò angat gónóhu hewót mdà du yóm ktafaku kul. Balù yó kem semfu gu bélê le, là kô klifót le du se kul nim lingón ni. Balù ni, gu laanu là deng mit kul eta yóm tonok fasadu kul, deng sana tngónu yóm nô lem hendem le.”

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

2 Bok Kem Tau Hol Geta 17:15

Mom kenbê le yóm hlolò Dwata kul, dalang se yóm deng tehe senfasad le Dwata yó kem tehe fù le, ne yó kem eles hetgamahen kul. Deng mom lolò le yó kem dwata lennged laen dù mu le, ne baling le tau laen dù mu se kul. Mom lolò le yóm kul gel nmò yó kem benwu hmilol kul igò Dwata deng mon du mò kul hol bê le abay lolò lu.

Nihimaya 9:33

Laen kô gónón sidek yóm ktafakem kum, Dwata. Là kóen monol yóm nawahem ebélê me, balù yóm deng kmò me du yóm kenbéem.

Nihimaya 9:35

Balù bè yóm kdaw tehe kogot le yóm kul benwu, tey kehyu nawa le du yóm tey tonok hyu lelen lamang deng blayem kul. Ewenem yó, là kô dog nmò le du yóm kóm kóyô ne là kô knogol le du yó kem sidek nmò le.

2 Tutul Israél 29:6

Yó kem fù tekuy balù udì ke nimón le Dwata, deng mom nmò le yóm alì sidek bè kton Dwata du yóm sana Dwata hol gónó tekuy mogot. Deng tebel le Dwata, dalang se yóm Gónóen deng knogol le.

Danyél 9:6

Là hnungol me kul yó kem tau tóbóng lówóhem, duhen yó se kem tugodem kem tau tehe hudélem ebè yó kem tau hol geta me ne ebè yó kem sfu tau hol geta genlal bélê me ne ebè yó kem tehe fù me, dalang se ebè yóm kdéen tau tehe nô lem benwu me.