Nihimaya 9:33 - Udél Dwata: Gna Kesfasad ne Lomi Kesfasad

³³ Laen kô gónón sidek yóm ktafakem kum, Dwata. Là kóen monol yóm nawahem ebélê me, balù yóm deng kmò me du yóm kenbéem.

Nihimaya 9:33 Referans Kwoze

Kem Lingón 106:6

Deng me gemsalà se kum, mkél me bè yó kem fù me, deng me mò sidek, ya tey sidek yó kem nmò me.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Kem Lingón 145:17

Tey tedeng yóm Dwata bè kdê gel nmoen. Tódô gotu gfan bè yóm nmoen yó yóm kkoduhen tau.

Kem Lingón 119:137

Ó Dwata, tey ktedengem, ne tey tedeng yó kem hlauhem.

Job 33:27

Yó angat udélen bè yó kem dumu tau yóm tau nsok Dwata yó, monen, ‘Denge gemsalà bè Dwata, là hyuhen yóm deng nmou okóm là kô tafak Dwata du do yóm tafak bang bayad yóm salà nmou.

Nihimaya 9:34

Yó kem fù me ne yó kem tau hol geta bélê me ne yó kem gónó me galak ne yó kem tau gel blóng me ebéléem, tódô kdê le gotu mulé du yóm hlauhem. Là kô kenmón le du yó kem hlauhem ne yó kem eles gel hetgamahem kul.

Kehewà 32:31

Tahu se, bud semfulék eta bulul Musis bè Dwata, ne monen mò du, “Tey, Dwata, deng gedlug ksideken yóm salà nmò le ni kem tau ni. Deng wen dwata lennged nmò le lemwót bè blówón ne tmaba le ebéléen.

Nihimaya 9:8

Bè yóm deng ktonem yóm tey kteneben béléem, yó gónón wen senfasad ye. Yó fasadem du, blayem du yóm kul tonok yó kem tau Kanan ne yóm tonok yó kem tau Hitayt ne tau Amurayt ne tau Pirisayt ne tau Jibusayt ne tau Girgasayt. Yóm tonok fasadem du ni mò gónó le menwu yó kem angat semfu gu béléen. Ne là kô klifótem du yóm deng fasadem du yó abay se là kóen mili nawahem.