Nihimaya 9:32 - Udél Dwata: Gna Kesfasad ne Lomi Kesfasad

³² Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Nihimaya 9:32 Referans Kwoze

Nihimaya 1:5

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

Danyél 9:8

Ó Dwata yóm sana Dwata hol kum gónó mogot, tey bong kyak me béléem gomong yó kem tau hol geta me ne yó kem sfu tau hol geta genlal bélê me, kkólen bè yó kem tehe fù me, lemwót bè yóm deng kegsalà me béléem.

Danyél 9:4

Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.

Danyél 9:6

Là hnungol me kul yó kem tau tóbóng lówóhem, duhen yó se kem tugodem kem tau tehe hudélem ebè yó kem tau hol geta me ne ebè yó kem sfu tau hol geta genlal bélê me ne ebè yó kem tehe fù me, dalang se ebè yóm kdéen tau tehe nô lem benwu me.

Kem Lingón 66:5

Géhél ye dé, na ye na tengel yóm deng nmò Dwata. Wen tey hentaw ton nmoen bè kem kun tau.

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Kem Lingón 47:2

Yóm Dwata gónó tekuy mogot, du se hol dandónen geta bè kdéen, yake hol wen klikò tekuy du. Du se yóm hol dandónen geta kmamal yóm klamangen.

2 Bok Kem Tau Hol Geta 25:7

Gotu hnatay le yó kem ngà Sidikaya logi yóm igoen temngel kul. Omin le hsit mata Sidikaya ne nfét le kedina, nwit le ebè Babilun.

2 Bok Kem Tau Hol Geta 23:29

Yóm tolo kegeta Jusaya, lemwót Faro Niku yóm tau hol geta bè Idyip, mógów ebè Él Yufratis nan e tnóbóng yóm tau hol geta bè Asirya. Kewót Jusaya bè yó se kun, mung du yó kem sendaluen, nundugen lu. Okóm hnatay Faro Niku Jusaya bè yóm keston le bè Megidu.

2 Bok Kem Tau Hol Geta 17:3

Lemwót Salmanésér yóm tau hol geta bè Asirya nundugen Husiya, ne là gemmò yó kem tau Israél, ne wen hbayaden kul yóm tau hol geta bè Asirya ket halay.

1 Bok Kem Tau Hol Geta 8:23

ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu Dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

Dwata 7:21

Yó gónóm mon, hol bê ye abay hlikò bélê le ni kem tau ni, yakà tendohen nô lem blóng ye yóm sana kuy Dwata hol gónó mogot. Du se yóm Dwata alì gembek, yóm Dwata hol knikò.

Kehewà 18:8

Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Dwata 7:12

Ke hol hnungol ye yó kem hlau Dwata yó koni ne ke teneb ye mimón du, yó se gónó Dwata dmohò du yóm fasaden kuy ne hegfanen bélê ye yóm kbong nawahen kuy, yóm nawa là monolen lómón yóm deng fasaden yó kem tehe fù ye.

Dwata 7:13

Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

2 Bok Kem Tau Hol Geta 17:6

Bè yóm gesyómen halay mogot benwu Husiya, gled yóm tau hol geta bè Asirya yóm syudad Samarya, ne gotu negefen etu bè Asirya yó kem tau Israél. Suen lu bè Hala, moni bè kilil Él Habor bè Gusan. Lemwót yó kem dumu, suen lu lem blóng yó kem tau bè syudad Midya.

2 Bok Kem Tau Hol Geta 17:23

Efet gotu hdó Dwata lu bè soluhen yó kem tau Israél, lómón yóm deng eles htulónen yó kem tugoden ne yó kem tau tóbóng lówóhen. Yó gónóm mon, efet ni kmoen ni yó kem tau Israél sana tolo knô le bè Asirya yóm benwu tehe megef kul.