Biblia Todo Logo
Bib sou entènèt

- Piblisite -




Nihimaya 9:30 - Udél Dwata: Gna Kesfasad ne Lomi Kesfasad

30 Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

Gade chapit la Kopi




Nihimaya 9:30
34 Referans Kwoze  

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.


Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.


Tngón ye kô, tau du bemlay tekuy kem tau Israél elem tdok yó kem tau megef tekuy? Dwata se mò du yóm yó lan tekuy là mimón du. Là lolò tekuy du yóm kóyóen bélê tekuy ne là nimón tekuy du yóm toloken.


Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.


Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.


Yó udél yóm Dwata laen dù là gbeken du, monen, “Lemwót bè yóm là kóyô le hmungol du yóm ktabahu kul, là se kô hnungolu kul ke tmaba le ebéléu.


Tendo wen kem dumu tugod Dwata hógówen elem blóng ye snéen, yó kem tau tóbóng lówóhen, okóm là kô hnungol ye kul ne là se kenmón ye kul.


okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.


Deng eles hetgamahem kul, Dwata, yóm angat ktafakem kul ke là nimón le du yó kem hlauhem. Okóm lemwót bè yóm tey keheklabak le, deng mom nulé le yó kem hlauhem igò le temngón du lemwót bè yóm kimón le du gónó le mowil. Tey kem tau mgel kulu, deng mom knogol le uu, là kô dog hnungol le kóm.


Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.


Bè yóm kewót le bè yó, là ssotuhen kehedem le lemwót bè yóm sotu bud tulón Pol kul, yóm monen, “Bong tahu se yóm tehe udél yóm Tulus Dwata ebè yó kem tehe fù tekuy ekni, hlanen bè Isaya, yóm sotu tehe gna tugoden.


Botong fat folò halayen kegenen hembala du yóm là kimón le du ditu bè yóm benwu laen dù tau menwu du.


Tódô lenwóten bè yóm kdaw tehe kehewà le gu bè Idyip yó kem tehe fù ye efet nim kmoen ni, són moen tendo wen kem tugodu mógów elem blóng ye.


Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.


Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.


Okóm bè kul kehedem du kem dumu tau, tey ganggà kmoen du yóm tehe fasaden tekuy yóm gónó tekuy mogot, okóm là. Yó gónón là géhél semfulék, abay se monem nahen hanay nawahen bélê ye. Hol kóyóen ke laen dù tau gógów elem hatay, ne ke kdê le gotu kmogol du yó kem sidek gel nmò le.


Wen lewu bè yóm hitu folò kem tau malak yó koni tebel bè kamfù, là gógów le etu bè Gónô Dwata. Yó boluy le Éldad ne Midad. Timbow gefet bélê le ditu bè kamfù yóm kehtulus Dwata kul, tódô tulón le se kul yó kem udél htugod Dwata kul lómón yóm kul gel nmò yó kem tugod Dwata.


Botong fat folò halayen kegenu lembut kul, botong monu, ‘Hono kem tau tlas kehedem le. Là móyô le mimón du yó kem hlauhu kul.’


Yó tô kmò ktoloken tekuy ket sotu betek, ket sotu ktol, ket sotu hennagì.”


Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”


Negef yóm tau hol geta bè Asirya yó kem tau Israél etu bè Asirya, suen lu bè yóm syudad boluyen Hala bè kilil Él Habor bè Gusan, ne wen se suen bè yó kem syudad bè Midya.


Okóm wen kem tugoden hógów Dwata elem blóng le mò bud mit kul semfulék ebéléen, okóm là kô hnungol le kul balù yóm eles kehetgama le kul.


Là hnungol me kul yó kem tau tóbóng lówóhem, duhen yó se kem tugodem kem tau tehe hudélem ebè yó kem tau hol geta me ne ebè yó kem sfu tau hol geta genlal bélê me ne ebè yó kem tehe fù me, dalang se ebè yóm kdéen tau tehe nô lem benwu me.


Swiv nou:

Piblisite


Piblisite