Nihimaya 9:29 - Udél Dwata: Gna Kesfasad ne Lomi Kesfasad

²⁹ Deng eles hetgamahem kul, Dwata, yóm angat ktafakem kul ke là nimón le du yó kem hlauhem. Okóm lemwót bè yóm tey keheklabak le, deng mom nulé le yó kem hlauhem igò le temngón du lemwót bè yóm kimón le du gónó le mowil. Tey kem tau mgel kulu, deng mom knogol le uu, là kô dog hnungol le kóm.

Nihimaya 9:29 Referans Kwoze

Nihimaya 9:16

Okóm yó kem tehe fù me yó deng le mom heklabak, mgel kulu le, là kô nimón le du yó kem hlauhem kul.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Nihimaya 9:10

Wen kem tey knikò tehe nmoem bè yóm tau hol geta bè Idyip ne bè yó kem genlalen dalang se bè yó kem tauhen abay se deng eles tngónem yóm tey kehegnok le yó kem tauhem yó kem tau Idyip. Lemwót bè yóm kegmoem, Dwata, yó se gónóm tótól efet yóm kmoen ni.

Husiya 6:5

Deng hógówu kem tugodu mò na a tmulón du kuy yóm deng ukumu kuy ne yóm keglau kuy. Hol tahu dohò yóm angat ktafaku kuy, hol lómón kdohò yóm kwasen ket hlafus.

Glasya 3:12

Là kô bè kehtahu du yóm klolò tau du yóm hlau Musis. Lómón se yóm monen bè Sulat Dwata, “Song gutahen yóm klowil laen dù sónen yóm tau, ke tódô gotu loloen kdéen nô lem yóm hlau Musis.”

Sulat Pol Ebè Yó Kem Tau Hemtahu Bè Rom 10:5

Deng tehe wen snulat Musis ekni gbak ebè yóm tau tô móyô baling tedeng lemwót bè kloloen yóm hlau. Yó monen, “Balù kihu tau lemolò du yó kem hlau Dwata, angat gutahen se yóm klowil laen dù sónen.”Okóm bud wen monen bè Sulat Dwata gbak ebè yóm kehtahu tekuy mò gónón tedeng ktonen tekuy, yó monen, “Là bud hendem tekuy du ne ke wen tau mógów ebè longit nan e nangay Krays ete tonok.”

Kun Snulat Luk 10:28

Ne yó mon Jisas mò du, “Tahu se yóm monem. Ke nmoem yóm monem yó, angat wen kóm klowil laen sónen.”

Danyél 5:20

Okóm lemwót bè yóm alì kehegmónen ne kehgelen kuluhen, yó gónó Dwata ma du béléen yóm kogoten benwu ne mkó du béléen yóm kegetahen.

Jirimaya 19:15

“Ni se udél yóm Dwata laen dù là gbeken du, yóm sana kuy Dwata kem tau Israél, monen, angat wen tey heglumfaku du yóm syudad ni dalang se yó kem benwu hmilol du, hol lómón yóm deng monu mò kuy, abay se tey mgel kulu ye, là kô hnungol ye dou.”

Jirimaya 17:23

okóm là kô le hmungol ne là kô nimón le do. Tey mgel kulu le, là kô kenmón le du yóm hlolou kul ne là kô le medlà ke wen tafaku kul.

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.

2 Tutul Israél 36:15

Yó nmò Dwata yóm kul Dwata hol gónó mogot yó kem tehe fù le, wen kem tugoden senflós hógówen elem blóng le mò eles hetgama kul, abay se là móyóen gemlà kul, dalang se yóm Gónô gónóhen nô lem blóng le, là móyóen ke gebà.

2 Tutul Israél 24:19

Okóm wen kem tugoden hógów Dwata elem blóng le mò bud mit kul semfulék ebéléen, okóm là kô hnungol le kul balù yóm eles kehetgama le kul.

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”

Dwata 31:21

Lemwót bè yóm deng kulé le do, tey dê gfà sidek sut bélê le. Ne nim lingón ni mò angat gónóhu hewót mdà du yóm ktafaku kul. Balù yó kem semfu gu bélê le, là kô klifót le du se kul nim lingón ni. Balù ni, gu laanu là deng mit kul eta yóm tonok fasadu kul, deng sana tngónu yóm nô lem hendem le.”

Dwata 4:26

Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Matyu 19:17

Bnalà Jisas se, monen, “Moen de ke snólókem béléu yóm hyu? Tek són Dwata yóm hyu. Ke hendeenem yóm klowil laen dù sónen, hol nimónem yó kem kun hlau Dwata.”

2 Tutul Israél 33:10

Wen udél Dwata ebè Manasi ne ebè yó kem tauhen, okóm là kô hnungol le du yó kem eles hetgamahen kul.

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

Jirimaya 42:19

Ó kem dù tau tebel bè Juda, hol ye hmungol. Deng mon Dwata mò kuy, ‘Hol bê ye abay mógów ebè Idyip.’ Hol bê ye abay klifót nim eles hetgamahen kuy ni.

Dwata 31:27

Deng eles tngónu yóm tey kgel kulu ye ne yóm là kimón ye ke Dwata. Balù ni hem tolo knóu lem blóng ye, sana là kimón ye ke Dwata. Ne milud he kmò ye du ke denge matay.

Kmukum 6:10

Deng tehe tulónu kuy ou se yóm sana kuy Dwata hol gónó mogot. Hol bê ye abay tmaba ebè yó kem kul dwata kéng yó kem tau Amurayt, yó kem tau tehe menwu ta nim tonok gónó ye nô ni. Okóm là kô hnungol ye do.’ ” Yó se udélen ebélê le yóm tugod Dwata.

2 Bok Kem Tau Hol Geta 17:14

Okóm là kô hnungol le du, tey mgel kulu le lómón yóm tehe nmò yó kem tehe fù le, là kô hentahu le du yóm sana kul Dwata hol gónó mogot.