Nihimaya 9:28 - Udél Dwata: Gna Kesfasad ne Lomi Kesfasad

²⁸ Timbow deng bud menek kbenwu le, mom bud nmò le yóm kenbéem bélê le ne yó gónóm bud hemlus kul elem hólól yó kem hohon le. Okóm bè yóm bud kehegsel le, tey kni le béléem anì lenwaem lu. Ne tahu se, gungolem dyó bè longit yóm kni le ne lemwót bè yóm tey kkoduhem kul, tey dê dulékem lemwà kul.

Nihimaya 9:28 Referans Kwoze

Kmukum 5:31

Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

1 Bok Kem Tau Hol Geta 8:39

hol hnungolem lu dyó bè yóm gónóem nô bè longit, ne hnifótem lu, ne tnóbóngem lu. Hol nmoem bè ket tauhem yóm hyu béléen, abay se tek són uu temngón du yóm nô lem hendem tau,

Kmukum 4:1

Kogol katay yóm sotu tau boluyen Ihud, deng bud nmò yó kem tau Israél yóm kenbê Dwata yóm sana kul Dwata hol gónó mogot. Yó gónó Dwata hemlus kul elem hólól Jabin bè syudad Hasor yóm tau hol geta bè yó kem tau Kanan. Yó boluy yóm kmandér bè yó kem sendaluen duhen Sisira tau menwu bè Harusét, yóm sotu syudad yó kem tau Kanan.

Isaya 63:15

Ó Dwata, hol knudungem mi gu dyó bè yóm gónóhem nô bè longit. Tngón me yóm klaen dù belenem ne yóm tey kegetahem. Gónón nô se yóm alì kehedemem kum du? Ne yóm kfasangem, gónón nô de? Gónóhen nô se yóm kbong nawahem kum ne yóm kkoduhem kum? Hol béem tódô bayà mi sen.

Kem Lingón 136:24

Deng lenwaen tekuy lem hólól yó kem hohon tekuy. Laen kô dù tul sónen yóm kbong nawahen tekuy là monolen.

Kmukum 2:19

Okóm ke deng matay yóm tau malak kul yó, bud senfulék yó kem tau Israél yóm sana kul lan ne mom milud he ksideken yóm kul nmò senta yóm kul ksidek nmò yó kem tau gna bélê le. Mom yó lolò le yó kem dumu dwata lennged ne tmaba le ebélê le ne mtud le bukol bè solu le. Là móyô le mkó du yóm sidek gel nmò le ne yóm alì kgel kulu le.

Kem Lingón 106:42

Tey kehegnok le kul yó kem hohon le, ne baling hesek le lu.